Futbollisti më i mirë i Athletic Bilbaos, Nico Williams, është në rrugën e duhur për të nënshkruar me Barcelonën pasi katalunasit arritën një marrëveshje me lojtarin e kombëtares spanjolle, kështu që tani e vetmja gjë që mbetet është të aktivizohet klauzola e lirimit prej 62 milionë eurosh.
Mediat spanjolle publikuan gjithashtu detajet e marrëveshjes midis lojtarit dhe klubit, të cilat thonë se ai do të nënshkruajë një kontratë gjashtëvjeçare me një pagë prej 12 milionë eurosh bruto në sezon.
Megjithatë, katalunasit tani kanë një detyrë më të vështirë sepse duhet të ndajnë 62 milionë euro, që është shuma e klauzolës së lirimit.
Transferimi i mundshëm do të pasonte nënshkrimin e portierit Joan Garcia nga Espanyol, për të cilin do të aktivizohet edhe një klauzolë lirimi prej 25 milionë eurosh.
Barcelona duhet të jetë taktike financiarisht, por besohet se drejtuesit e klubit do të gjejnë një model, veçanërisht pasi Williams këmbënguli të shkonte te klubi katalunas përkundër “një deti” me oferta të tjera.
Bayern Munichu ishte më këmbëngulësi në atë përpjekje, por sulmuesi i majtë 23-vjeçar këmbënguli të qëndronte në Spanjë.
Kujtojmë se Williams ishte i lidhur edhe me Barcelonën verën e kaluar, por tani janë plotësuar kushtet që ai të luajë në bashkëpunim me Lamine Yamalin si në ekipin kombëtar spanjoll. /Telegrafi/
