Zbulohen para publikimit vargjet e këngës së re të Shakiras dedikim për Piquen: ‘Ti je me dikë si ti’

Shakira me sa duket ka vendosur t’i japë një “goditje” ish-it të saj Gerard Pique dhe të dashurës së tij të re në vargjet e këngës së saj të re.

Këngëtarja kolumbiane, 45 vjeçe, ka bashkëpunuar me producentin Bizarrap në një këngë krejt të re, e cila do të publikohet më vonë të mërkurën.

Dhe vargjet e zbuluara para kohe, thuhet se janë një dedikim i Shakirës ndaj Piques, shkruan DailyMail.

“Unë jam shumë e madhe për ty”, këndon ajo në një pjesë të këngës, duke e thumbuar futbollistin me pretekstin se ajo nuk ishte e mjaftueshme për të.

Ylli i pop-it thotë në këngë: “Unë jam shumë e madhe për ty, prandaj je me dikë ashtu si ti”, e cila duket të jetë një dedikim i dukshëm për romancën e re të Gerardit, sipas The Sun.

Shakira dhe Gerard njoftuan ndarjen e tyre pas 11 vitesh së bashku në qershor dhe ata kanë dy djem – Milan, nëntë vjeç dhe Sasha, shtatë.

Që nga ndarja, Gerard është parë duke e puthur me pasion të dashurën e tij të re, Clara, pasi duket se ata nuk e fshehin lidhjen e tyre të re.

Në tekstin e këngës, të përkthyer nga spanjishtja, Shakira thuhet se vazhdon të këndojë: “Kjo është për mua që të të ngordh, të përtyp dhe të gëlltisë që të mos pickojë, nuk do të kthehem më tek ti, edhe nëse qan ose më lutesh”.

“E kuptova që nuk kam faj që të kritikojnë, unë bëj vetëm muzikë, më fal që të spërkata”, janë vargjet e tjera në vazhdimësi.

Gerard doli publikisht me të dashurën dhe kolegen e tij të re, Clara Chia Marti, 23 vjeçe, pasi konfirmoi ndarjen e tij nga Shakira verën e kaluar. /Telegrafi/