Zbulohen detaje të reja për shëndetin e Madonnas: Nuk mund të zgjohet nga shtrati, ka të vjella të pakontrolluara

Madonna thuhet se është ende duke luftuar me sëmundjen e saj edhe pse është liruar nga spitali.

Burimet i thanë TMZ të enjten (29 qershor) se këngëtarja e “Material Girl”, 64 vjeçe, ka “vjellë në mënyrë të pakontrolluar” dhe është e shtrirë në shtrat brenda shtëpisë së saj në Neë York.

Madonna – e cila u shtrua në spital me një infeksion bakterial të shtunën dhe më vonë u vu në kujdes intensiv – thuhet se është ende duke luftuar efektet e sëmundjes së saj.

Burimet pohuan se ajo fillimisht filloi të pulsojë të shtunën kur filluan simptomat dhe se ajo gjithashtu “u rrëzua” në atë kohë.

Gjithashtu buriemt i thanë më parë Page Six se Madonna ishte pandjenja dhe nuk kishte “reaguar” në një moment dhe duhej të intubohej për të paktën një natë në spital.

Lexo po ashtu Pas problemeve serioze me shëndetin, Madonna lirohet nga spitali

Orari rigoroz i praktikave të fitueses së “Grammy” për turneun e saj “Celebration” ishte spekuluar më parë se ishte një prej arseve që ndikoi në shëndetin e yllit.

Madonna thuhet se kishte qenë duke bërë prova intensive për javë të tëra dhe kishte “ditë 12-orëshe” në përgatitje.

Megjithatë, TMZ raportoi më herët të enjten se ikona e muzikës kishte shfaqur shenja të problemeve me shëndetin për disa kohë, pasi raportohet se kishte luftuar me ethe për një muaj.

Madonna thuhet se i injoroi simptomat e saj dhe nuk bërë kontrrola te një mjek sepse ishte e fokusuar në turneun e saj të ardhshëm, i cili ishte caktuar të fillonte më 15 korrik.

Menaxheri shumëvjeçar i këngëtares së “Express Yourself”, Guy Oseary, i cili dha lajmin për shtrimin në spital të klientit të tij, ka konfirmuar që turi është pezulluar.

“Në këtë kohë, do të na duhet të ndalojmë të gjitha angazhimet, që përfshin turneun”, tha ekzekutivi i muzikës, 50 vjeç, në deklaratën e tij të postuar në Instagram të mërkurën.

“Ne do të ndajmë më shumë detaje me ju sapo t’i kemi, duke përfshirë një datë të re fillimi për turneun dhe për shfaqjet e riplanifikuara”, tha tutje ai. /Telegrafi/