Zanfina dhe Ema kujtojnë Monën përmes një fotografie të veçantë (Foto)

Këngëtarja Zanfina Ismaili ka qenë shumë e lidhur me nënën e saj, Monën.

Ndonëse po bëhen gati një vit që ajo ka ndërruar jetë, motrat Ismaili nuk mund ta harrojnë thuajse për asnjë çast më të shtrenjtën e tyre.

Fotografitë janë thesari i vetëm ku Adelina, Ema dhe Zanfina kanë mundësinë tashmë të shohim shëmbylltyrën e nënës së tyre.

Disa nga këto imazhe, këngëtaret nuk hezitojnë që t’i ndajnë me fansat edhe në rrjetet sociale.

Ka qenë së fundmi Zanfina ajo e cila ka publikuar një fotografi mjaft të veçantë në llogarinë personale në Instagram, ku shfaqet së bashku me Emën pranë Monës së tyre.

https://www.instagram.com/p/BRqtjIzgaYF

Nga pamjet duket se fotografia është realizuar në një ambient të ngrohtë familjar, përderisa buzëqeshja në fytyrat e tyre nuk mungon.

Përndryshe pas shumë ngjarjeve të hidhura në jetën e tyre, motrat Ismaili do t’i lumturojë fakti që familjes së tyre do t’i shtohet një anëtar i ri, pasi e madhja Adelina Ismaili pret që brenda pak muajsh të bëhet nënë për herë të parë. /Telegrafi/