Lideri i LSDM-së, Zoran Zaev, tashmë ka realizuar takimin e parë në Bruksel me shefen për politikë të jashtme dhe siguri të BE-së, Federica Mogherini, përcjell Telegrafi Maqedoni.
Në ora 20:30 do të fillojë takimi i shumëpritur i Bashkimit Evropian me vendet e rajonit të Ballkanit Perëndimor, që konsiderohet si tentim i rikthimit më të theksuar të vëmendjes së BE-së në këtë pjesë të kontinentit të Evropës.
Zaevi është ftuar si ''i përcaktuar për kryeministër'' i Maqedonisë. Temë bisede do të jetë e ardhmja dhe puna e përbashkët e këtyre vendeve./Telegrafi/
