Ylli i Salzburgut ëndërron kalimin tek Real Madrid përkundër interesimit të Barcelonës

Talenti më i madh i futbollit izraelit, Oscar Gloukh po kërkon të bëj hapin e madh në karrierë dhe 19-vjeçari ishte shumë afër kalimit tek Barcelona këtë verë. Sidoqoftë, në rast se Real Madridi futet në garë për të me shumë gjasë do ta marrin dritën jeshile.

Gloukh u bë pjesë e Salzburgut këtë verë për shumën e 7 milionë eurove nga Maccabi Tel Aviv dhe ai tashmë po llogaritet si njëri ndër lojtarët me të talentuar të gjeneratës së tij.

Ai ka kontribuar me 6 gola në 12 paraqitje, duke përfshirë këtu një gol ndaj Benficas në Ligën e Kampionëve, duke i siguruar ekipit austriak tri pikët e para.

RB Salzburg starlet Oscar Gloukh has told Forbes Israel that Barcelona were after him this past summer. #Barca pic.twitter.com/vPiU9vq9jG

— Football España (@footballespana_) October 2, 2023

Barcelona u raportua se janë të interesuar për të siguruar shërbimet e Gloukh para kalimit tek Salzburg, gjë të cilën e ka konfirmuar edhe vet futbollisti.

“Barcelona më kontakoi mua kur ne tashmë kishim mbyllur gjithçka me Salzburugn”, tha Gloukh.

Nëse do të pranonte kalimin tek një ekip në Spanjë, Gloukh shprehet se ai ekip është Real Madrid.

Lexo po ashtu Real Madridi do ta dërgojë shefin e skautimit për t'i përcjellë dy lojtarë në sfidën Newcastle - PSG

“Unë kam qenë tifoz i Real Madridit që kur mbaj mend veten. Ëndrra ime më e madhe është të luaj në Bernabeu me fanellën e Real Madrid. Do të ishte kulmi për mua”, përfundoi 19-vjeçari.

Shtatshkurt, i aftë të godasë me dy këmbët dhe me një teknikë të hatashme, Gloukh me shumë mundësi do të kalojë në njërën prej pesë ligave më të mira evropiane dhe nuk përjashtohet mundësia që Real Madrid ta telefonojë në rast se ai vazhdon me paraqitje të tilla./Telegrafi/