Ylli i Napolit pa tmerrin me sy pas ndeshjes ndaj Parmës, atij iu vodhën gjësende me vlerë nga hajdutët

Sulmuesi i ri i Napolit, David Neres, është grabitur nga hajdutët pas fitores së tyre me rezultat 2-1 ndaj Parmas të shtunën, ka konfirmuar gruaja e tij në Instagram.

Neresit iu drejtua arma pas fitores ndaj Parmës ndërsa besohet se hajdutët po vozitnin një motoçikletë dhe e thyen veturën jo shumë larg stadiumit ‘Diego Maradona’.

Sipas Calciomercato, Neves po merrte rrugë për tek Grand Hotel Parker së bashku me gruan dhe vajzën e tij, në momentin kur atij iu vodh një orë Rolex.

Neres dhe familja e tij ishin të shokuar, kështu që sulmuesi nuk u ndal për të nënshkruar autografe për tifozët që ishin mbledhur para hotelit pikërisht për këtë arsye.

David Neres’ car broken into in front of the Diego Armando Maradona stadium after Napoli’s win over Parma.

It’s reported two men on a motorcycle smashed the car windows and robbed him at gun point.pic.twitter.com/U010DiRnv1

— Kyama (@ElijahKyama_) September 1, 2024

Sidoqoftë, gruaja e tij i kërkoi falje të gjithë tifozëve përmes llogarisë së saj në Instagram.

“David do të donte t’iu kërkonte falje tifozëve që po e prisnin atë jashtë”, ka shkruar Kira Winona në Instagram.

“Teksa po përpiqeshim të largoheshim nga stadiumi pas ndeshjes, dy burra që po vozitnin një motoçikletë e thyen veturën tonë dhe na kërcënuan me armë”.

Neres iu bashkua Napolit nga Benfica gjatë kësaj vere, duke kompletuar transferimin i cili iu kushtoi atyre 28 milionë euro.

Reprezentuesi brazilian ka dhuruar dy asistime në dy ndeshjet hapëse të Napolit, duke përfshirë një tek goli i Zambo Anguissas që u fitoi atyre te pikë ndaj Parmas./Telegrafi/