“Xhaka është një zhgënjim i madh”

Legjenda e Liverpoolit dhe Gjermanisë, Ditmar Hamann, e ka cilësuar Granit Xhakën si një zhgënjim të madh, pasi nuk ka arritur t’i përmbush pritjet.

Mesfushori me prejardhje nga Kosova u transferua në verë te Arsenali nga Borussia Monchengladach për një shifër prej 35 milionë funteve.

Por, deri më tani nuk ka arritur t’i përmbush pritjet duke dëshpëruar shumë tifozë të Arsenalit.

Lexo po ashtu Policia e Londrës liron Xhakën nga akuzat për fyerje në baza racore

24-vjeçari ka humbur edhe shtatë ndeshje në të gjitha garat pas pesë kartonëve të verdhë dhe dy të kuqve.

Kjo ka bërë që ish-mesfushori i Liverpoolit, Hamann, të cilësoj si një zhgënjim të madh në fillimet e tij në Angli.

“Ai ka qenë një zhgënjim i madh. Ai zhytet brenda dhe e largon veten prapë, ai jep goditje qesharake dhe e suspendon veten”, ka thënë Hamann për PaddyPower, përcjell Telegrafi.

Lexo po ashtu Kampionia e botës në freestyle 'turpëron' Xhakën dhe Mustafin, i jep leksione si duhet dribluar (Foto/Video)

“Xhaka është një lojtar i aftë dhe shpresojmë se ne do ta shohim në vitet në vijim, por deri më tani ai nuk ka jetuar pritjet”

“Ai i ka shkaktuar atyre më shumë dëm sesa të mira këtë sezon”, përfundoi ish-mesfushori gjerman. /Telegrafi/