Xabi Alonso thyen heshtjen dhe tregon nëse do të bëhet trajner i Real Madridit

Carlo Ancelotti do të largohet nga Real Madridi në fund të sezonit 2023/24.

Trajneri italian do ta marrë drejtimin e Brazilit, ndërsa Los Blancos qysh tani kanë filluar të shikojnë për zëvendësuesin e tij.

Xabi Alonso është kandidati kryesor për ta marrë drejtimin e Real Madridit nga sezoni i ri, derisa trajneri i ri spanjoll po bën shumë mirë në Gjermani me Bayer Leverkusenin.

Vet trajneri spanjoll ka folur për interesimin e Los Blancos, duke thënë se për momentin është i fokusuar vetëm te Bayer Lverkuseni.

Lexo po ashtu Tetë trajnerët që mund të zëvendësojnë Ancelottin te Real Madridi

“Reali? Të shohim… Tani për tani është më e rëndësishme të mendoj për skuadrën”.

“Ndihem mirë te Leverkuseni, si me ekipin ashtu edhe me drejtuesit. Për mua, e ardhmja nuk është një çështje e rëndësishme për momentin”, deklaroi Alonso.

Lexo po ashtu Granit Xhaka flet për telefonatat që kishte me Xabi Alonson para se të transferohej te Bayer Leverkusen

41-vjeçari ka kaluar pesë vite si futbollist i Real Madridit duke qenë një nga më të rëndësishmit në klubin madrilen.

Ai për një edicion ka qenë trajner edhe i ekipit të të rinjve të Los Blancos, derisa një ditë mund të rikthehet në Santiago Bernabeu, por si trajner i parë. /Telegrafi/