Xabi Alonso parashikohet si zëvendësuesi i Kloppit pas klauzolës sekrete me Leverkusenin

Liverpooli mund të ketë një zëvendësues të ëndrrave për Jurgen Klopp të rreshtuar për shkak të një klauzole të fshehtë të kontratës. Ai është trajneri aktual i Bayer Leverkusenit, Xabi Alonso.

Sot (e premte) në mëngjes, bota e futbollit u trondit nga lajmi se Klopp do të largohet nga Liverpool në fund të sezonit aktual.

“Jurgen Klopp ka njoftuar vendimin e tij për të dhënë dorëheqjen si trajner i Liverpool në fund të sezonit aktual, pasi ka informuar pronësinë e klubit për dëshirën e tij për t’u larguar nga pozicioni i tij kur të mbyllet sezoni 2023-24”, shkroi faqja zyrtare e Liverpoolit.

Lexo po ashtu Jurgen Klopp konfirmon largimin nga Liverpooli

Përpara verës, Liverpooli do të punojë gjatë gjithë kohës për të gjetur një pasues për trajnerin që fitoi titullin e parë të klubit në Ligën Premier, pas plot 30 vitesh.

Sidoqoftë, klubi nga Anfield tashmë mund të ketë një zëvendësues të ëndrrave.

Trajneri i Leverkusenit, Alonso thuhet se ka një klauzolë në kontratën e tij që do t’i lejojë atij të largohet nga klubi për në Liverpool, Real Madrid ose Bayern Munich.

Lexo po ashtu Alonso arrin marrëveshje me Leverkusenin, largohet në verë nëse ka ofertë nga tri klubet e mëdha evropiane

Sipas gazetës gjermane BILD, klauzola e kontratës do të jetë aktive në verën e vitit 2024, me Alonson që u emërua trajner i Leverkusenit në tetor 2022.

Që atëherë, spanjolli ka kthyer fatin e skuadrës. Aktualisht, djemtë e Alonso janë në krye të tabelës së Bundesligës, katër pikë përpara kampionit Bayern. /Telegrafi/