Wilder konfirmon se e ka pranuar ofertën e Joshuas, ndërsa tregon se i ka ofruar 50 milionë euro që meçi të zhvillohet në SHBA

Tashmë është raportuar se dy kampionët e botës në kategorinë e peshave të rënda në boks, Anthony Joshua dhe Deontay Wilder, kanë arritur marrëveshje për meçin e shumëpritur.

Boksieri britanik i posedon rripat IBF, WBO dhe WBA, kurse ai amerikan është kampion në kategorinë WBC.

Menaxheri i Wilder, Shelley Finkel, ka thënë se është arritur marrëveshja që meçi të zhvillohet në shtator ose në tetor në Britani të Madhe.

Ai iu është referuar fjalëve të Eddie Hearn, si edhe të konfirmimit nga Wilder. Ky i fundit madje i ka shkruar vet Joshuas duke i thënë se e pranon ofertën, ndërkohë që përmes një postimi të ri ia ka bërë me dije se oferta e tij që meçi të zhvillohet në SHBA, akoma qëndron.

“Lajm i madh për të gjithë tifozët e Anthony Joshuas… Oferta ime prej 50 milionë dollarësh që të përballet me mua në SHBA, është akoma në dispozicion”.

“Sot (e martë) madje unë e pranova ofertë e tyre që të ndeshem me Joshuan në Mbretërinë e Bashkuar.

“Nëse e preferon meçin në Mbretërinë e bashkuar, topi është në fushën e tyre. Zgjedhja u takon atyre”, ka shkruar Wilder në një postim në Twitter, të cilin e ka shoqëruar me një video.

🚨BREAKING NEWS🚨 for all you @anthonyfjoshua fans… The $50M offer for him to fight me next in the US is still available. Today I even agreed to their offer to fight Joshua next in the UK. If he prefers the fight in the UK, the ball is in their court. It’s up to them to choose. pic.twitter.com/03PE8sk5x0

— Deontay Wilder (@BronzeBomber) June 11, 2018