Aleksandar Vulin, ish-ministër i Policisë është emëruar sot drejtor i drejtor i Agjencisë serbe të Zbulimit – BIA.

Reklama

Sipas burimeve të nova.rs, ai është zgjedhur sot në atë pozitë në mbledhjen e Qeverisë së Serbisë.

Në dy vitet e mëparshme ai ka mbajtur postin e ministrit të Punëve të Brendshme dhe mandati i tij është shënuar me polemika të shumta.

Emri i tij nuk u lexua nga presidenti i SNS-së, Aleksandar Vuçiq kur shpalli përbërjen e kabinetit të Qeverisë së re të Serbisë, por as nuk e falënderoi për “bashkëpunimin e deritanishëm”, gjë që mund të tregonte se po e shijonte atë pozicion.

Reklama

Para se të bëhej ministër i Policisë ka qenë ministër i Mbrojtjes, ndërsa para kësaj ka qenë në krye të Ministrisë së Punës dhe Politikës Sociale. Ai ishte edhe drejtor i ashtuquajturës Zyre për Kosovën.

Reklama

Ligji për Agjencinë e Informacionit të Sigurisë e ndalon normalisht marrjen në punë të figurave partiake në BIA, por kjo nuk e pengoi qeverinë aktuale të emërojë në krye të këtij shërbimi Vulinin, i cili është edhe president i Lëvizjes Socialiste.

Më parë postin e drejtorit të BIA-s e kishte Bratislav Gashiq, zyrtar i lartë i SNS-së. /Telegrafi/