Mohamedou Ould Salahi ishte për 14 vjet i burgosur në Guantanamo. Gjatë burgosjes ishte nënshtruar ndaj torturave dhe izolimit, por asnjëherë nuk u akuzua për asnjë krim. Libri i tij me kujtime, “Ditari i Guantanamos”, u bë bestseller ndërkombëtar dhe u adaptua në filmin “Mauritanezi” ku rolet kryesore i kanë Tahar Rahim dhe Jodie Foster, transmeton Telegrafi.
“Për Salahin fillimisht dëgjova në dhjetor të vitit 2014, kur redaktori im i atëhershëm në ‘Guardian’, Mustafa Khalili, kërkoi nga unë që ta bëj një film të shkurtë të animuar për kujtimet e Sahalit. Përmes atij projekti e takova avokaten e tij, Nancy Hollander, e nga aty nisën bisedat për mundësinë e një dokumentari”, thotë regjisori Laurence Topham.
Ditari u shkrua në Guantanamo. Aty përshkruhet rrugëtimi nga Mauritania në Jordan dhe nga Afganistani në Kubë. Ditari e shpërfaq një njeri të dhembshur, të ngrohtë dhe intelektual që u kap në rrjetën e paranojës masive të shkaktuar nga sulmet terroriste të 11 Shtatorit 2001 (arrestohet më 2002).
“Mohamedou kishte shprehur interes për t’i dokumentuar në kamerë momentet e tij të para në liri, kështu që Nancy më ftoi të bashkohesha me të në Nouakshot, disa ditë pasi u lirua më 2016. Për fatin tim të mirë, Mohamedou është adhurues i madh i kinemasë (sidomos i komedive të Adam Sandlerit), kështu që u tërhoq nga ideja për një dokumentar”, thotë regjisori. “Unë dhe Mohamedou po ecnim në bregdet kur ai e merr një gur dhe e hedh në mënyrën që ngjan me David Attenboroughun: ‘E sheh këtë? Ky gur është shumë i rrallë dhe gjendet vetëm këtu, në Mauritani’. Qesha aq shumë sa nuk mund ta mbaja kamerën pa lëvizur. Mohamedou më vonë më tha se disa nga DVD-të e pakta te të cilat kishte qasje në Guantanamo ishin ato të serisë ‘Planeti i kaltër’ i BBC-së. I kishte parë qindra here, saqë e kishte zotëruar intonacionin e famshëm të Davidit. Ky ishte një shembull i shkëlqyeshëm se sa aftësi kishte për vëzhgim, për gjuhë dhe për humor. Në atë moment e dija se jam duke e filmuar një qenie të veçantë njerëzore”, thotë ai.
Historia se si u burgos dhe se çfarë i ndodhi atij në burg ishte aq dramatike dhe komplekse për një seri të tërë e lëre më për një film të shkurtër. Sfida tjetër kryesore ishte narrativa aktive…
“Kur më tha se është në kontakt me një roje amerikane nga koha e burgut dhe se kanë plan të takohen, e dija se kjo narrativë do ta mbante storjen të ndërlidhur”.
Pas sulmeve terroriste të 11 Shtatorit, myslimanët shpesh poshtëroheshin dhe prezantoheshin keq në ekran. Të burgosurve nuk u garantoheshin të drejtat e njeriut.
“Guantenamo ishte shumë i suksesshëm në çnjerëzimin e njerëzve të burgosur”.
Megjithatë, padashur, Mohamedou dhe ish-roja i tij Steve Wood (të cilin s’e kishte parë për 13 vjet) i kishin kaluar këto ndarje të mëdha për ta parë njëri-tjetrin jo si instrumente të një ideologjie po si qenie njerëzore. Në një nga intervistat pas takimit të tyre, për amerikanin që e trajtoj si mik e si njeri e jo si armik, Mohamedou u shpreh: “I kapërcyem stereotipat, gjithë ato urrejtje. Nuk e bëmë këtë pas burgut, por në momentet më të errëta”.
Dokumentari “Rojtari i vëllait tim” përgatitet në vitet 2016-2019. Përfundon për Festivalin e Filmit “Tribeca” më 2020, por gjithçka dështon nga pandemia e koronavirusit. Megjithatë, u shfaq në 19 festivale ndërkombëtare duke fituar tri çmime. Së fundi ishte në listën e ngushtë të BAFTA-s për filmin më të mirë të metrazhit të shkurtë. /Telegrafi/
Lufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Aktori Abdurrahman Shala - eprori i dikurshëm i një burgu në Prishtinë, që ndali vrasjet e shqiptarëve!
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Karnavalet, origjina dhe domethënia
LAMTUMIRË VËNDET E MIJA
Binjaket magjepsëse dhe shkrimtarët e famshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën