Vrasja e dy policëve në vitin 2004, Ademi: 108 plumba në drejtim të dy zyrtarëve mund të jetë frikësim, por edhe metodë për eliminim

Më 23 mars të vitit 2004 ndodhi incidenti në rrugën Prishtinë-Podujevë, ku të vrarë mbetën një polic i UNMIK-ut dhe një polic i Shërbimit Policor të Kosovës në atë kohë.

Profesori Mensut Ademi, thotë se personat që ishin grup i organizuar pa marrë parasysh motivet, veprimi ka qenë i dëmshëm.

“Pa marrë parasysh që motivet e tyre kanë qenë stimulim politik apo patriotik, veprimi ka qenë i dëmshëm, qoftë për marrjen e jetave të njeriut apo dëmtimin e imazhit të republikës së Kosovës. Pakënaqësia e popullatës ose banorëve të Kosovës, dhe marrim grupmoshat që i shohim në trazira që janë motive nga disa grupe janë 20-21-22 jo më shumë se 25-vjeçar. E, nëse krahasojmë me vitin 1999, ata nuk kanë qenë më shumë se 16-17-vjeçar gjatë luftës, dhe mllefi tyre ndaj disa pjesëtarëve që në atë kohë kanë torturu”, tha Ademi në emisionin “Mendje Kriminale” në RTV Dukagjini.

Ademi thotë se grupet e organizuara gjatë kohës së trazirave të marsit janë identifikuar nga hetuesia e UNMIK-ut.

“E këto grupe gjatë kohës së protestës apo trazirave janë identifiku nga grupet apo hetuesia e UNMIK-ut ku në atë kohë UNMIK-u e ka udhëheq shërbimin policor të Kosovës dhe kanë fillu identifikimin apo fazën e hetimit të atyne personave që kanë rreziku dhe dëmtu, dhe kanë qenë këta persona”, tha Ademi.

Ai thotë se e thekson kohën që në vitin 2004, 5 vjet pas luftës, asnjë person nuk kishte paqe në mendje, por sipas tij, reagime më të ashpra.

“Metoda e tyre, po e cek, jemi pas luftës, që në atë kohë secili banor në Kosovë nuk ka pasë në mendësi reagim paqësor, por reagim më i vrazhdë, për shkak se kanë dalë prej luftës dhe tash këta persona shohin si armik.”

Teksa shton se 108 plumbat e gjuajtur drejt dy policëve, “mund të jetë edhe frikësim, por edhe metodë për eliminim”. /Dukagjini/