Volkswagen siguron 37 hapësira gjigante, për t’i lënë mbi 300 mijë vetura të kthyera prapa (Foto)

Këto vetura nuk janë rregulluar dhe shitur sërish, andaj Volkswagen nuk di çfarë të bëjë me to

Të gjithëve iu kujtohet skandali ‘Dieselgate’, për të cilin VW dëshiron të harrohet në tërësi, transmeton Telegrafi.

Prodhuesi gjerman ka bërë të pamundurën për shlyerjen e këtij gabimi, duke përjashtuar zyrtarë nga puna dhe përkushtimin ndaj makinave elektrike, por e ka të kotë.

Deri më tani, Volkswagen ka shpenzuar rreth shtatë miliardë euro, duke riparuar dhe ri shitur disa prej tyre.

Numri i veturave që do t’i kthehen prapa, janë mbi 350 mijë.

Prej atyre që u kthyen, shumica nuk janë shkatërruar apo shitur sërish.

Për këtë arsye, janë gjetur 37 hapësira gjigante në Shtetet e Bashkuara, për t’i parkuar për një afat të pacaktuar.

Këto nuk janë vetëm parkingje të mëdha, por hapësira me madhësi shumë më masive se që do të imagjinonit.

Stadiumi i braktisur i futbollit në Detroit, një fabrikë letre në Minnesota, si dhe një shkretëtirë në Kaliforni, janë në mesin e këtyre hapësirave. /Telegrafi/