Volkswagen ka portfolion më të madhe të veturave elektrike që kualifikohen për kreditimin e plotë të taksave në SHBA
Qeveria amerikane më në fund ka lëshuar listën e plotë të kërkesave për kredinë e saj tatimore. Deri më tani shumica e veturave janë kualifikuar për shkak se nuk kishte asnjë marrëveshje mbi rregullat e baterive – dhe tani kjo ka ndryshuar.
Në thelb, në mënyrë që një veturë të kualifikohet për kreditimin e plotë tatimor, automjeti duhet të prodhohet në SHBA dhe bateria e tij duhet të merret gjithashtu nga SHBA, dhe falë rregullave të reja fituesi është Volkswagen.
Pasi që VW ID.4 prodhohet në Chattanooga të Tennessee, ajo veçse kualifikohet për kredinë e pjesshme tatimore – vlera e së cilës është 3,500 dollarë. Por kompania konfirmoi se falë furnizuesit të saj amerikan të baterive, të gjitha modelet ID.4 kualifikohen për zbritjen e plotë prej 7,500 dollarëve, raporton Arena EV, transmeton Telegrafi.
Kjo ndryshon shumë gjëra. Së pari, ID.4-shi më i lirë në SHBA ka një çmim prej 28,995 dollarë, e që akoma mbetet me çmim më të lirë se Tesla Model 3 më e lirë. Ai është modeli ID.4 Standard, ka bateri prej 62kWh dhe një rreze me vlerësim EPA prej 336 kilometrave (209 miljeve). Me kredinë tatimore, çmimi tani ulet në 31,495 dollarë – dhe kjo ID.4-shin e bënë një nga veturat më të lira elektrike në këtë segment të tregut amerikan.
Por çka është më interesante është fakti se Volkswagen i ka 8 vetura elektrike të cilat kualifikohen për kredinë e plotë tatimore prej 7,500 dollarëve. Tesla ka vetëm 4 vetura elektrike të cilat mund të marrin shumën e plotë, modeli fillestar Tesla Model 3 kualifikohet vetëm për kredinë prej 3,500 dollarëve për shkak të baterisë së saj kineze.
Edhe Ford ka në fakt vetëm 2 vetura elektrike të cilat kualifikohen për shumën e plotë – Mustang Mach-E e merr vetëm gjysmën e kredisë tatimore, dhe kjo ndodh për shkak të origjinës së baterisë. Prodhuesi i dytë i veturave elektrike me numrin më të madh të veturave që kualifikohen për shumën e plotë është Chevrolet – të gjitha 5 modelet e saja prodhohen në SHBA, e bashkë me to edhe bateritë e atyre veturave.
Rregullat e reja të baterive të vendosura nga Departamenti Amerikan i Energjisë nuk janë befasi. Ato u prezantuan vitin e kaluar, por që nuk u zbatuan për shkak se shumë prodhues po tentonin që ta bindin qeverinë se rregullat e reja ishin të pazbatueshme, mirëpo qeveria amerikane nuk u largua nga planet e saj, dhe tani shumë vetura më nuk kualifikohen për kredinë tatimore. /Telegrafi/
Lufta Prigozhin - Putin
Më shumëRënie dramatike e vlerës së veturave elektrike?!
Një truk i thjeshtë për të kursyer karburant - gjithçka varet nga konfigurimi i kondicionerit!
Rrethrrotullimi në Kroaci që po huton shoferët
Traction Avant, vetura më inovative në histori feston ditëlindjen e 90-të
Arto, “shtëpia” luksoze në rrota
EX30 kundër EX90, kështu duket kur Volvoja e madhe godet më të voglën në testin simulues të përplasjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës