Një grua nga Kentucky tha se djali i saj i vogël po luante me telefonin e saj gjatë fundjavës, dhe fshehurazi bëri një porosi në Amazon të 70,000 lëpirëseve që në total kushtuan rreth 4,200 dollarë.
Banorja e Lexingtonit, Holly LaFavers, tha në mediat sociale se ishte e tronditur kur zbuloi 30 kuti me lëpirëse në pragun e derës së saj, secila prej të cilave përmbante 2,340 copë, transmeton Telegrafi.
Djali i LaFavers, Liam, i cili është në klasën e dytë, pranoi se kishte bërë një porosi të lëpirëseve të vogla ndërsa luante me telefonin e saj gjatë fundjavës.
Çdo kuti me lëpirëse shitet me pakicë për 130 dollarë, duke e bërë blerjen totale të Liam rreth 4,200 dollarë.
Amazon fillimisht pranoi t'i lejonte LaFavers të kthente tetë nga 30 kutitë, kështu që ajo filloi të përpiqej t'ua shiste të tjerat miqve dhe fqinjëve.
Më vonë ajo tha në një përditësim se "pas një dite të gjatë pune me bankën dhe bisedash me disa stacione lajmesh", Amazon e kontaktoi dhe pranoi të rimbursonte të gjithë blerjen.
"Faleminderit të gjithëve që ofruan të blinin një kuti për të na ndihmuar", shkroi ajo. /Telegrafi/
