LAJMI I FUNDIT:

Vladimir Blazev – Panço, i vetmi anëtar i grupit DNK që i mbijetoi zjarrit tragjik në diskotekë

Vladimir Blazev – Panço, i vetmi anëtar i grupit DNK që i mbijetoi zjarrit tragjik në diskotekë

Vladimir Blazev – Panço, anëtari i njohur i grupit hip-hop DNK, ndodhet në respirator në Qendrën Klinike të Shkupit pasi pësoi djegie në fytyrë dhe dorë gjatë një koncerti në një diskotekë në Koçan të Maqedonisë së Veriut.

Lajmin e ka konfirmuar motra e tij, Jadranka Nikolovska, e cila u shpreh: “Për momentin di që nuk është në rrezik për jetën, por gjendja e tij mbetet e rëndë. Nuk kam ende informacion për Andrej dhe anëtarët e tjerë të grupit”.


DNK – Një nga grupet më të njohura hip-hop në Maqedoni

Grupi DNK, i themeluar në fillim të viteve 2000 nga Vladimir Blazev – Panço dhe Andrej Gjorgjev, është një nga grupet më të njohura hip-hop/r’n’b në rajon. Ata janë të njohur për tekstet emocionale dhe muzikën e tyre me një tingull modern urban. Këngët e tyre shpesh trajtojnë histori dashurie, realitetin e përditshëm dhe çështje sociale që prekin të rinjtë.

Disa nga hitet e tyre më të njohura përfshijnë: Fala, Ako utre me nema, Srce, Amajlija e Romani.

Panço, përveçse është frontmeni i grupit, është edhe DJ, producent dhe themelues i SureShotz Entertainment, një agjenci që ka sjellë artistë dhe DJ të njohur nga Ballkani dhe më gjerë.

Tragjedia e zjarrit në Koçan
Zjarri shpërtheu gjatë koncertit në një diskotekë në qytetin e Koçanit, rreth 100 km nga Shkupi.

Flakët përfshinë tavanin dhe çatinë e ndërtesës, duke shkaktuar një situatë kaotike me të rinj që përpiqeshin të shpëtonin.

Ministri i Shëndetësisë, Arben Taravari, deklaroi se mes të plagosurve ka edhe të mitur në gjendje kritike dhe do të vihet në dispozicion një numër zyrtar për informimin e familjarëve.

Pesë anëtarë të grupit DNK humbën jetën, përfshirë këtu Andrej Gorgievski, një nga themeluesit e grupit.

Hetimet për ngjarjen tragjike janë në vazhdim, ndërsa komuniteti artistik dhe fansat janë tronditur nga kjo fatkeqësi e rëndë. /Telegrafi/

Në trend Magazina

Më shumë
Gjesti i këndon Eglit: Si për nëntë ditë më ke harruar, nuk paska qenë dashuri por fiksim

Gjesti i këndon Eglit: Si për nëntë ditë më ke harruar, nuk paska qenë dashuri por fiksim

Magazina
Pamjet e fundit të anëtarëve të grupit të DNK-së para se të vdisnin në zjarrin në Maqedoni

Pamjet e fundit të anëtarëve të grupit të DNK-së para se të vdisnin në zjarrin në Maqedoni

Magazina
DNK - Çfarë dihet për grupin që performoi në natën tragjike të Koçanit ku humbën jetën 59 persona

DNK - Çfarë dihet për grupin që performoi në natën tragjike të Koçanit ku humbën jetën 59 persona

Magazina
Kush ishte këngëtari maqedonas që vdiq duke shpëtuar të tjerët nga zjarri në diskotekën e Koçanit?

Kush ishte këngëtari maqedonas që vdiq duke shpëtuar të tjerët nga zjarri në diskotekën e Koçanit?

Magazina
Gigi Hadid shkëlqen në fushatën e re të

Gigi Hadid shkëlqen në fushatën e re të "Havaianas" dhe flet për lidhjen me Bradley Cooper

Magazina
Kylie Jenner prezanton koleksionin e ri me fotografi mbresëlënëse

Kylie Jenner prezanton koleksionin e ri me fotografi mbresëlënëse

Magazina
Kalo në kategori