Vizitorët e një galerie italiane do të pajisjen me pajisje speciale, alarmojë kur dikush afrohet më shumë se një metër e gjysmë afër tjetrit

Pajisjet që alarmojnë, kur dikush është më afër se një metër e gjysmë afër tjetrit, janë të domosdoshme të barten nga vizitorët e një galeria italiane, që është hapur sërish pas mbylljes së ashpër si pasojë e pandemisë.

Accademia Carrara Musseum në Bergamo të Italisë, që është hapur më 22 maj pas një mbyllje të përgjithshme prej dhjetë javësh, ka vendosur që të gjithë të mbajnë distancën sociale edhe të mos e shkelin këtë rregull, transmeton Telegrafi.

Shumë njerëz, nga pavetëdija iu afrohen tjerëve pa dashje derisa janë duke i shikuar pikturat, andaj pajisjet e obligueshme të quajtura Fidelitas Distance, lëshojnë dridhje dhe ndriçojnë dritat LED, që ta alarmojnë mbajtësin lidhur me situatën.

Kjo galeri e hapur më 1976, u kërkon vizitorëve që të mbulojnë gojën dhe hundën me maskë, ndërsa hyjnë në numër të reduktuar brenda sallave të ekspozitës.

Para se të hynë brenda, të gjithë vizitorëve iu matet temperatura, ndërsa gjërat që iu përkasin duhet t’i vendosin në një dollapë të sigurt, që të mos i kenë brenda me vete.

Ashensori nuk është në dispozicion, por vetëm për ata që kanë nevoja të veçanta dhe iu duhet ndihmë për lëvizje. Në të gjitha hapësirat, janë vendosur edhe dezinfektues për duar.

Këto pajisje janë prezantuar në këtë muze, derisa planifikohet që nga një qershori të hapet edhe Muzeu i Vatikanit. /Telegrafi/