Vin Diesel dhe Michelle Rodriguez promovojnë filmin “Fast X” gjatë Formula 1 në Miami

Vin Diesel dhe Michelle Rodriguez u shfaqën në “Grand Prix” të Formula 1 në Miami të enjten për të promovuar filmin e tyre të ri, “Fast X”.

Diesel, 55 vjeç, tregoi krahët e tij muskuloz në një bluzë të zezë pa mëngë, shoqëruar me xhinse dhe çizme të zeza.

Diesel, i cili luan rolin e Dominic Toretto në serialin kinematografik, mbante syze të errëta ndërsa mbështetej në një Dodge Charger RT të vitit 1969 së bashku me aktoren protagoniste.

Rodriguez, 44 vjeç, i cila luan Letty Ortiz në ekskluzivitetin e filmit, kishte veshur një bluzë argjendi nën një xhaketë të me pantallona të bardha dhe atlete.

Aktorja e “Avatar” – e cila u shfaq elegante në premierën e “Dungeons And Dragons: Honor Among Thieves” të shtunën – stiloi flokët e saj të gjata dhe të zeza me onde në kaçurrela që i la të lira mbi supe dhe kompletoi pamjen e saj me një gjerdan ari dhe unaza të shumta në secilën dorë.

“Fast X” do të përfshijë edhe  yjet e mëparshëm Tyrese Gibson, Jordana Brewster, Ludacris, Nathalie Emmanuel, Sung Kang dhe Scott Eastwood.

Pjesa e dhjetë prezanton gjithashtu të sapoardhurit Jason Momoa, Brie Larson, Daniela Melchior, Alan Ritchson dhe Rita Moreno.

Fast X është pjesa e parë e një finale me dy pjesë që i jep fund serisë. Filmi do të drejtohet nga regjisori i “Transporter”, Louis Leterrier, 49 vjeç, i cili zëvendësoi Justin Lin, 51 vjeç, pasi veterani i F&F u largua një javë pasi filloi xhirimet për shkak të dallimeve krijuese.

Vin gjithashtu është një producent i vazhdimit përveç që luan në të. Filmat aksion që thyen rekord kanë fituar mbi 6.6 miliardë dollarë në arkë, dhe tani “Fast X” që do të dalë në treg më 19 maj.

Javën e kaluar, Diesel zbuloi se filmi i njëmbëdhjetë dhe i fundit “Fast and Furious” do të shfaqet në vitin 2025.

Duke folur në CinemaCon në Las Vegas të martën, Diesel tha: “Kjo verë është vetëm fillimi i Fast X”.

“Dhe me gjithë mundin tuaj dhe me gjithë dashurinë tuaj dhe faktin që jeni pjesë e familjes sonë, Fast X do të vazhdojë. Dhe pas kësaj vere shpërthyese, unë do të kem privilegjin të vij tek ju për pjesën e dytë në 2025”, tha ylli.

Lexo po ashtu Vin Diesel zbulon se pjesa e fundit e “Fast and Furious” do të shfaqet premierë në vitin 2025

Filmi ikonikë filloi me pjesë e parë në vitin 2001 “The Fast And The Furious”, ku luajti Vin si Dom dhe i ndjeri Paul Walker në rolin e Brian O’Conner.

Paul vdiq në nëntor 2013 në moshën 40-vjeçare nga dëmtimet e marra në një përplasje me një automjet teksa udhëtonte si pasagjer në një makinë me shpejtësi të madhe.

Ai nuk kishte përfunduar ende xhirimet e filmit të vitit 2015 “Furious 7” në kohën e vdekjes së tij, dhe vëllezërit e tij Cody dhe Caleb u përdorën si dubluese për të përfunduar xhirimet.

“Fast X” do të shfaqet në kinema më 19 maj. /Telegrafi/