LAJMI I FUNDIT:

Viktimat e minave tokësore në Kosovë kërkojnë kompensim nga Serbia

Viktimat e minave tokësore në Kosovë kërkojnë kompensim nga Serbia

Shoqata e Civilëve të Lënduar nga Minat në Kosovë i kërkoi Serbisë t’i paguajë kompensim njerëzve të lënduar nga shpërthimet e minave tokësore gjatë dhe pas luftës dhe i bëri thirrje Qeverisë së Kosovës ta ngrejë këtë çështje në Bruksel.

Kreu i Shoqatës së Civilëve të Lënduar nga Minat, Avni Lubovci, i dërgoi një letër presidentit serb Aleksandar Vuçiq të mërkurën duke kërkuar kompensim për vdekjet dhe dëmtimet për shkak të minave në Kosovë.

“Minimi i tokave tona nga ana juaj ishte shkaku pse shumë shtetas të Kosovës humbën jetën ose pësuan lëndime të rënda trupore përgjithmonë”, thuhej në letrën që Lubovci i dërgoi Vuçiqit.

Në të njëjtën letër, të cilën Lubovci ia dërgoi edhe presidentit të Kosovës Hashim Thaçi, ai kërkoi që çështja të vihej në axhendën e bisedimeve të ndërmjetësuara nga BE-ja midis Kosovës dhe Serbisë në Bruksel.

“Institucionet tona janë të detyruara të merren me këtë çështje”, tha Lubovci për BIRN.

Një total prej 117 personash kanë humbur jetën për shkak të minave tokësore në Kosovë dhe 450 të tjerë janë gjymtuar, tha ai.

Vetë Lubovci humbi këmbën si rezultat i shpërthimit të një mine 17 vjet më parë.

“Shteti juaj është bërë arsyeja pse ne nuk mund të vazhdojmë jetën normalisht si të gjithë të tjerët. Përveç humbjes së gjymtyrëve, s’kemi mundur as të punojmë dhe të sigurojmë mbijetesën tonë”, shkroi ai në letrën e tij për Vuçiqin.

Lufta në Kosovë përfundoi në vitin 1999, pasi NATO ndërhyri për t’i dhënë fund fushatës ushtarake të Jugosllavisë kundër Ushtrisë Çlirimtare të Kosovës, duke e lënë vendin të mbushur me mina tokësore të vendosura nga forcat e Beogradit dhe municione thërrmuese të përdorua nga NATO.

Kombet e Bashkuara deklaruan në vitin 2001 se Kosova ishte e pastër nga minat, por çminuesit vazhdojnë ende të pastrojnë municione të pashpërthyera në vend.

Fondi ‘Halo’ thotë se ai shpreson që minat e mbetura dhe bombat e vogla thërrmuese të mund të pastrohen deri në vitin 2020. /BIRN/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori