Veturat vetë-ngasëse mund të jenë në rrugët e Mbretërisë së Bashkuar nga viti 2025, kjo sipas disa planeve të reja të qeverisë, plane këto të cilat mbështeten nga një investim prej 117 milion eurove.

Ligjet e reja janë planifikuar në mënyrë të që të përshpejtohet fuqizimi i tyre, teksa 40 milion euro tjera janë investuar në studimin mbi sigurinë për të ndihmuar në zhvillimin e legjislacionit.

Sky News raporton se nga qeveria britanike bënë të ditur se veturat që mund ta ngasin veten vetëm në autostrada mund të dalin në shitje vitin tjetër, por që ngasësve ende iu nevojitet një licencë për t’i drejtuar këto vetura në lloje të ndryshme të rrugëve, transmeton Telegrafi.

Reklama

Veturat tjera që janë plotësisht autonome, dhe që mund të përdoren për dërgesa, nuk do të kenë nevojë për licencë, dhe mund të futen në përdorim brenda 3 viteve nëse vizioni i qeverisë arrin që të realizohet.

Reklama

Veturat me kapacitet të vetë-ngasjes, si për shembull Tesla, veçse janë të zakonshme në disa qytete britanike, dhe disa kompani si për shembull Google, veçse kanë filluar të testojnë veturat autonome në disa rrugë publike të SHBA-së.

Teknologjia në fjalë mbështetet në disa kamera dhe laserë për zbulimin e rrezes për të naviguar dhe dalluar automjetet, këmbësorët dhe pengesa të tjera.

Mbështetësit e kësaj teknologjie thonë se ajo mund t’i bëjë rrugët më të sigurta dhe t’i zvogëlojë gabimet e ngasësit, por që testimet, rregullat, dhe rregulloret rreth teknologjisë ende janë duke u përpunuar. /Telegrafi/

Reklama