LAJMI I FUNDIT:

Vetëvendosje s’pret probleme në zgjedhjen e Vjosa Osmanit presidente

Vetëvendosje s’pret probleme në zgjedhjen e Vjosa Osmanit presidente

Lëvizja Vetëvendosje po e konsideron çështje ditësh zgjedhjen e Vjosa Osmanit presidente të vendit. Në partinë e Albin Kurtin nuk po presin probleme në konstituimin edhe të institucionit më të lartë të vendit. Ndërkohë, janë kategorik kundër një kompromisi të mundshëm për zgjedhjen e presidentit, jashtë emrit të Vjosa Osmanit.

Deputeti i Lëvizjes Vetëvendosje, Eman Rrahmani thotë se janë duke u angazhuar që sa më shpejtë të përmbyllët edhe procesi i zgjedhjes së presidentit. Ai thotë se në bazë të vullnetit qytetarë, edhe deputetët e partive tjera opozitare duhet të qëndrojnë në sallë për votimin e presidentit.

“Në Lëvizjen veçse jemi duke u angazhuar dhe punuar që sa më shpejtë të përmbyllet edhe zgjedhja e presidentit. Ne si subjekt edhe bashkë me deputetë të tjerë që bashkë qeverisim i kemi mbi 60 vota për presidentin…Natyrisht duke i parë rrethanat shumica e deputetëve të Kuvendit të Kosovës janë që të zgjidhet presidente, Vjosa Osmani dhe po shpresojmë që edhe deputetët e subjekteve tjera të kryejnë detyrën e tyre dhe qëndrimin në sallë, varësisht prej vullnetit që e kanë për votim kundër apo për. Krejt çka po kërkohet është që vijmë në sallë dhe ta kryejmë procesin për çka jemi të thirrur dhe kemi marrë mandatin nga populli. Kështu që, unë nuk shoh ndonjë pengesë në këtë drejtim dhe besoj se kjo do të jetë çështje ditësh kur do të ndodh”, deklaron Rrahmani.

Deputeti i mazhorancës i sheh të nevojshme dhe të shëndosha edhe takimet e Osmanit me partitë opozitare për të arritur një konsensus rreth figurës së saj për presidente.

“Roli i presidentit është edhe unifikimi i gjithë spektrit politikë, andaj edhe takime të tilla mund të ketë dhe mund të jetë të shëndosha. Mirëpo ato mbesin në vullnetin dhe si e shoh presidentja Vjosa Osmani”, thotë ai.

Lidhur me zgjedhjet e mundshme të reja, deputeti i Vetëvendosjes po i përjashton si mundësi.

“Kjo është ajo që ne kemi paraqitur edhe në fushatë edhe pas fushatës. Kjo është kërkesë e qytetarëve dhe vendi duhet të frymojë ashtu siç kërkon qytetari dhe jo të veprohet për inate politike, apo çështje të tjera. Unë jam i bindur se nuk do të ketë nevojë për zgjedhje të reja, por do të kemi presidente të re shumë shpejtë… ka nevojë për kompromise për shkak që shumica e votave janë në Kuvend për të zgjedh Vjosa Osmanin presidente, andaj edhe nuk mendoj të kemi kompromise”, thotë ai.

Krahas këtyre Rrahmani i bën të ditura edhe prioritete e qeverisë Kurti.

“Dy nga sfidat më të rëndësishme që menjëherë duhet të reflektohet është luftimi i pandemisë Covid 19 dhe ringjallja ekonomike e vendit. Në këto dy fusha duhet të angazhohemi jashtëzakonisht shumë. Qeveria edhe Kuvendi që ta kalojmë sa më shpejtë dhe më mirë për të kaluar tek ngritja ekonomike dhe një lloj ringjallje”, thotë ai.

Rrahmani thotë se qeveria Kurti, por edhe grupi parlamentar i Lëvizjes Vetëvendosje në Kuvend do të jenë bashkëpunues me opozitën. /kp/Telegrafi/

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori