Lëvizja Vetëvendosje dhe Lidhja Demokratike e Kosovës, sot pritet të nënshkruajnë marrëveshjen për bashkëqeverisje, një ditë para mbajtjes së seancës së Kuvendit të Kosovës, në të cilën pritet të votohet Qeveria me kryeministër Albin Kurtin.
Pas më shumë se dy muaj bisedimesh sot do të marrë fund saga e takimeve të vështira në mes krerëve të Lëvizjes Vetëvendosje dhe Lidhjes Demokratike të Kosovës me një marrëveshje për koalicion qeverisës midis këtyre dy subjekteve politike.
Marrëveshja, që pritet të nënshkruhet sot, është paralajmëruar gjatë së shtunës nga përfaqësues të dy subjekteve politike. Ishte LDK ajo që dje mblodhi krerët e partisë në një takim, në të cilin duket se u arrit ujdia që të ndajnë përgjegjësitë e qeverisjes me LVV-në, në atë mënyrë që të dy subjektet do të lëshojnë pe nga qëndrimet e tyre të deritashme, shkruan Telegrafi.
Sipas nënkryetarit të LDK-së, Lutfi Haziri, i cili foli dje pas takimit konsultativ, tashmë marrëveshja me LVV-në është shumë afër, duke thënë se LVV do të udhëheq me Qeverinë, kurse LDK do të ketë Kryetarin e Kuvendit.
Sipas kësaj i bie që LVV është pajtuar që kryetari i Kuvendit, Glauk Konjufca të japë dorëheqje për t’ia lënë këtë post kandidatit të LDK-së.
Arritjen e marrëveshjes, nënshkrimi i së cilës pritët të ndodhë sot, e kanë paralajmëruar edhe zyrtarë të tjerë të lartë nga LVV dhe LDK.
Telegrafi merr vesh nga burime brenda dy subjekteve politike, se LVV dhe LDK janë marrë vesh që Qeveria Kurti të ketë 15 ministri e jo 12, për çfarë ishin zotuar e dakorduar gjatë harmonizimit të programit qeverisës.
Mësohet se të dy subjektet do të udhëheqin me nga 6 ministri ndërsa 3 ministri do t’u takojnë komuniteteve jo shumicë në Kuvend. Gjithashtu LVV dhe LDK janë pajtuar që për postin e Presidentit, të cilin synon ta marr LDK-ja, të bisedohet pas një viti.
Në bazë të marrëveshjes, kryetari i Kuvendit të Kosovës, Glauk Konjufca do të japë dorëheqje nga ky post pasi të votohet Qeveria Kurti, pjesë e së cilës do të jetë edhe Konjufca, shkruan Telegarafi.
Mirëpo, para se të ndodhë takimi i Albin Kurtit dhe Isa Mustafës dhe nënshkrimi i marrëveshjes për bashkëqeverisje mes dy subjekteve politike, dy partitë do të mbledhin Këshillet e Përgjithshme, aty ku do të prezantohet marrëveshja në parim, ndërkaq që ky organ pritet ta votojë formalisht atë.
Mbledhja e Këshillit të Përgjithshëm të LDK-së pritet të fillojë në orën 13:00, ndërkaq që nuk dihet se kur do ta bëjë këtë Vetëvendosja.
I mandatuari për kryeministër Albin Kurti sot do të ketë takim edhe me përfaqësues të komuniteteve pakicë në Kosovë, ku nuk përfshihet Lista Serbe, me të cilët pritet të arrijë marrëveshjen për bashkëqeverisje.
LVV dhe LDK gjatë fushatës në zgjedhjet e parakohshme nacionale të 6 tetorit 2019, në të cilat LVV doli e para, ishin zotuar se me të përfunduar zgjedhjet do të zyrtarizonin koalicionin qeverisës. Por, ndonëse grupet punuese të dy subjekteve politike nuk patën telashe në harmonizimin e programit qeverisës, problemet u shfaqën kur erdhi puna te ndarja e kulaçit të pushtetit.
Të përkujrojmë se 3 shkurti është caktuar që të mbahet seanca e Kuvendit të Kosovës për votimin e qeverisë së re të vendit.
Kryesia e Kuvendit ka miratuar kërkesën për seancë, të bërë nga Kurti, i cili është mandatar për formimin e kabinetit të ri qeverisës.
Kurti mori më 20 janar mandatin nga presidenti i Kosovës, Hashim Thaçi, ndërsa kërkoi që Kuvendi të mblidhet një ditë para skadimit të afatit kushtetues prej 15 ditësh për formimin e qeverisë. /Telegrafi/
Lufta Prigozhin - Putin
Më shumëNga Rubrika
Rriten çmimet e sigurimeve për automjetet në Maqedoni
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
Shtatë raste të dhunës në familje – gratë raportojnë për dhunë e dëbim nga shtëpia
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Për herë të parë sot mbahet seanca në objektin e Komunës së Zubin Potokut
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre