Luftëtari i UÇK-së rezistoi dhe qëndroi stoik betejat e gjata dhe të përgjakshme me forcat serbe gjatë luftës në Kosovë.
Mirëpo, 23 vjet më pas, ai lufton edhe me një armik tjetër, që po i shkakton dhimbje të mëdha e që po e bën ta “shohë vdekjen me sy”.
Veterani i luftës së UÇK-së, 40 vjeçari nga Skenderaj, Burim Zeka aktualisht ka probleme shëndetësore dhe është duke u përballur me tumor, të quajtur “neurofibromatoz”, e që përfshinë trurin dhe palcën kurrizore.
Por, brenga e tij nuk është vetëm sëmundja, pasi Zeka me gruan dhe fëmijët jeton në një banesë me qira dhe e ka shumë vështirë ta përballojë gjithë këtë gjendje.
“Mjekët po thonë që nuk guxojnë të bëjnë ndërhyrje kirurgjike, sepse mund të mos dal fare nga operacioni. Tash vetëm me injeksione dhe infuzione kundër dhimbjes.
Gjatë gjithë kohës kam dhimbje nganjëherë edhe shumë të forta. Shteti nuk më ka ndihmuar me asgjë, përveç pensionit të veteranit që e marr. Me këtë pension mundohemi me e pagu qiranë, por edhe do shokë që i kam më ndihmojnë”, tregon ai.
Veterani i luftës që ndodhet në gjendje të rëndë ka një thirrje për të gjithë ata që e shikojnë, e po ashtu edhe për Qeverinë e Kosovës.
“Të gjithë ata që me shohin ju kisha bërë apel vetëm prej kësaj qiraje me më hjek Në ndonjë banesë me më dërgua, por jo edhe fort larg mjekëve, sepse kam nevojë natën e ditën për mjek. Kurse qeveria le t’i hap sytë, le të shikojnë pak sepse na ka lënë shumë anash”, shprehet Burimi.
Ibadete Zeka, gruaja e veteranit Burim Zeka, ndonëse me halle të shumta, vazhdon të mbahet e fortë përballë sfidave të jetës.
Ajo thotë se nuk po munden t’i përballojnë shpenzimet edhe të qirasë edhe ato të kujdesit mjekësorë që i duhen patjetër burrit të saj për të mbijetuar.
“Qe dy vjet e kam burrin në këtë gjendje të paralizuar siç po e shihni, kujdesem për të si me qenë fëmijë i vogël. Ne më herët kemi jetuar në Plluzhinë por për shkak të Burimit ne kemi dalë këtu. Mjekët vinin edhe atje por ky kishte nevojë për mjekë dy- tre herë në ditë, por edhe natën. Dikush me dal vetëm prej kësaj qiraje me na hjek për të tjerat ia bëjmë disi. Është shumë e vështirë edhe të sëmurin edhe me pagu qiranë… Ka barna të lloj-llojshme dhe janë shtrenjtë. Po shpresoj që ka njerëz të mirë që vetëm vesin e qeras na e hjekin. Mundësisht ndonjë banesë afër spitalit, sepse unë jam e vetme. Ka raste kur mjekëve nuk iu bëjnë telefonat më duhet të shkoj vetëm në emergjencë”, rrëfeu Ibadetja.
E ajo që dhimbjen ua shton akoma më shumë të dyve, është edhe përballja e fëmijëve çdo ditë me sëmundjen e babait.
“Është shumë e vështirë për mua me jetu në këtë gjendje, por më e vështirë është për fëmijët me më pa në këtë gjendje”, shprehet Burimi.
“E për fëmijët më vjen shumë zor, sepse më vjen gjynah edhe prej fëmijëve me e pa babain tu hjek”, thotë Ibadetja.
Ushtruesi i detyrës së drejtorit në Qendrën Kryesore të Mjekësisë Familjare në Skenderaj, Agron Mehmeti thotë se gjendja shëndetësore e Burimit po shkon duke u përkeqësuar dhe ka nevojë për përkrahje financiare.
“Siç jeni njoftuar pacienti Burim Zeka, 40 vjeçar është me gjendjen më të rëndë shëndetësore e gjithashtu edhe ekonomike dhe sociale. Burimi tash e një kohë vuan nga një sëmundje e rëndë që fatkeqësisht kërkon një përcjellje profesionale dhe sociale të mirë. Ne mundemi me ia kry tretmanin që na takon mirëpo Burimi ka nevojë për tretman shtesë për barëra. Gjendja e tij po shkon duke u përkeqësuar dhe i duhet një përkrahje më e madhe financiare”, tha Mehmeti. /Telegrafi/
Personat e interesuar për t’i dalë në ndihmë familjes në fjalë mund të kontaktojnë në këta numra telefoni: Burim Zeka 043/811-432 dhe Ibadete Zeka 044/370-938.
Promo
Reklamo këtuLufta Prigozhin - Putin
Më shumëNga Rubrika
Ministri italian i Mbrojtjes pritet me ceremoni zyrtare, konfirmon mbështetjen në proceset e anëtarësimit në NATO dhe BE
Mickoski: Koalicioni i OBRM-PDUKM-së “Maqedonia jote” qëndron pas valës së ndryshimeve
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit
Lajçak me post të ri nga shtatori
Bajrami i reagon Muratit pasi tha se ka rritje të qarkullimit të biznesve, e fton për përballje
Pse Mali i Zi votoi kundër Kosovës në KiE, flet Dritan Abazoviq
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë
Aksident tragjik në Kërçovë, humbin jetën tre persona
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia