Vendosja e produktit si një prej mjeteve më efektive të marketingut

Pozicionimi i brendit në ditët e sotme është elementi kryesor në strategjinë e marketingut të kompanive. Duke parë këtë, marketingu përmes vendosjes së produkteve po bëhet çdo ditë e më shumë më i popullarizuar, pikërisht për shkak të përparësive në promovimin dhe pozicionimin e brendeve në treg.

Vendosja e produktit konsiderohet si mjet shumë efektiv për të drejtuar mesazhin përkatës të marketingut në grupin e përzgjedhur të audiencës në kohën dhe vendin e duhur. Kjo formë e marketingut ka ndikuar që shumë kompani të rrisin bazën e konsumatorëve, në veçanti kur kanë qenë prezent në filma, programe, emisione apo seriale të cilat kanë një audiencë më të madhe.

Kompanitë më të mëdha botërore si Apple, BMW, Coca Cola, Sony, Ray Ban etj, e ndajnë një pjesë të konsiderueshme të buxhetit të marketingut për vendosje të produktit, duke parë efektet e menjëhershme që vijnë nga ky lloj i promovimit. Si shembull mund të merret paraqitja e syzeve Ray Ban Wayfare në filmin “Risky Business” me Tom Cruise. Para shfaqjes së këtij filmi, kompania kishte shitur vetëm 18,000 palë syze, ndërsa pas shfaqjes së filmit, shitja e këtyre syzeve kishte arritur deri në 360,000 palë, duke i japur këtyre syzeve epitet ikonik.

Duke pare sukseset nëpër botë, çdo ditë e më tepër ky lloj i promovimit të kompanive po përdoret edhe në vendin tonë. Përmes vendosjes së produkteve në emisione të ndryshme kompanitë si Frutti, Temaj, Beta, Spirit of Drini, Konsoni, Meka etj, kanê arritur të rrisin brendin e tyre dhe të jenë pjesë e familjeve jo vetëm në Kosovë por edhe jashtë saj.

Si shembuj të vendosjes së produktit mund të i shihni në videon e mëposhtme. /Telegrafi/

Artikull i sponsoruar