Vendimi gjyqësor për Nikolla Sazdovskin për Grubin dhe Alimin ishte skandaloz dhe jo i drejtë

Deputetët e Bashkimit Demokratik për Integrim, e quajtën skandaloz vendimin gjyqësor për vrasjen e Nikolla Sazdovskit, të cilët dje dy të rinj u dënuan me nga 19 vite burg.

Nga foltorja e Kuvendit Grubi dhe Alimi akuzuan drejtësinë përzgjedhëse dhe gjyqësinë e korruptuar, përcjell Telegrafi Maqedoni.

“Me vendim gjyqësor u vërtetua drejtësia përzgjedhëse, si në bazë etnike, fetare apo të përkatësisë partiake. Të dënohen dy të rinj me nga 19 vite burg, përkatësisht 38 vjet burg, ndërsa vrasësi i Almirit të vogël në Kumanovë u dënua me vetëm 6 vite burg dhe iu mundësua të mbrohet në liri. Nëse kjo nuk është drejtësi përzgjedhëse, nuk e di se çfarë është”, tha deputeti Artan Grubi.

Grubi përmendi rastin e Sopotit dhe Monstrës si shembuj për drejtësi përzgjedhëse, ndërsa për ngjarjet nga protestat në Gjorçe Petrov, kur demonstruesit dogjën shitoret e shqiptarëve askush nuk u dënua me burgim.

Lexo po ashtu Të akuzuarit për vrasjen e Sazdovskit dënohen me nga 19 vjet burg

Grubi për shkak të kësaj dhe për shkak të ngjarjeve në BFI, krkoi ndryshim të rendit të ditës në seancën e sotme.

Deputeti i Ejup Alimi që vjen nga radhët e BDI-së kërkoi gjysmë ore ndërprerje që deputetët të koordinohen.

“Dje u dënuan dy njerëz, vet familja e të riut thanë se fëmija nuk do të kthehet, unë mendoj se kjo nuk është drejtësi”, tha Alimi.

Kryetari i Kuvendit Talat Xhaferi e pranoi kërkesën për ndërprerje për gjysmë ore./Telegrafi/