Propozimi për heqjen e kufizimit për importin e veturave të vjetra po kundërshtohet nga ekspertë të komunikacionit, përderisa deputetët që kanë filluar iniciativën thonë se kjo është kërkesë e qytetarëve.
Gjatë stinëve të vjeshtës dhe dimrit, Kosova dhe sidomos kryeqyteti Prishtina, ishin në krye të qyteteve botërore me ndotjen më të lartë të ajrit.
Përveç termocentraleve që furnizojnë tregun më të madh në vend me energji e cila sigurohet përmes djegies së thëngjillit, veturat e vjetra në qarkullim ishin potencuar si shkaktari kryesor i kësaj ndotjeje.
Por, pavarësisht këtyre fakteve, ditë më parë deputetët e Komisionit për Zhvillim Ekonomik dhe Infrastrukturë në Kuvendin e Kosovës kanë miratuar propozimin për ndryshimin e disa neneve të Ligjit për Automjete.
Lejimi i importit të veturave paraqitet në nenin 44, në të cilin thuhet se “mjetet rrugore që importohen në Kosovë nuk mund të jenë më të vjetra se 10 vjet dhe që nuk plotësojnë standardin “euro katër”.
Mërgim Lushtaku, deputet në Kuvendin e Kosovës nga Partia Demokratike, parashtrues i kërkesës tha për Radion Evropa e Lirë, se kjo iniciativë ka ardhur pas shqetësimeve të qytetarëve, respektivisht atyre me kushte të vështira socio- ekonomike. Ai tha se as në shtetet e Bashkimit Evropian, nuk ka një kufizim të tillë.
“Në disa shtete të Bashkimit Evropian, ka kufizime me standarde të ndryshme, siç është moslejimi i veturave që ndotin ajrin, që rrezikojnë qytetarët në komunikacion. Por, gjithmonë në import standardi minimal është euro-katër dhe kontrollet e rrepta të sigurisë”, tha Lushtaku.
Ndryshimet dhe plotësimet e ligjit po kërkohen ende pa u bërë një vit nga hyrja në fuqi e Ligjit për Automjete, ku është ndaluar importi i veturave të vjetra, pasi ishte konsideruar se vjetërsia e tyre është një ndër shkaktarët kryesorë të numrit të madh të aksidenteve dhe ndotjes së ambientit.
Nol Dedaj, profesor i Komunikacionit në Kolegjin UBT, në një bisedë për Radion Evropa e Lirë, tha se iniciativa për ndryshimin e ligjit është shumë e vogël në krahasim me nevojën e sigurisë në komunikacion.
Dedaj, pajtohet se tregu i Kosovës ka nevojë për freskim me automjete të reja, në mënyrë që në të ardhmen faktori automjet të mos jetë shkaktar i aksidenteve. Por, që sipas tij, në Kosovë problem kryesor është mirëmbajtja e automjeteve apo kontrollet efikase teknike para zhdoganimit të veturës.
Pavarësisht se Dedaj nuk është i kënaqur më ligjet që kanë të bëjnë me komunikacionin dhe automjetet, ai dyshon se ndryshimet në këtë ligj, do të ndodhin vetëm për përfitime nga grupe të caktuara të interesit.
“Dyshoj se ka interesa, pasi nuk janë përshirë të gjitha elementet që duhet t’i kenë ndryshimet e vjetërsisë së automjeteve. Do të thotë ka qenë një interes jashtëzakonisht i madh, jashtë institucioneve tona për të ndryshuar këtë pikë”, tha Dedaj.
Në tregun e veturave duhet të ketë kufizime të vjetërsisë, pasi konsiderohen mjete jo të sigurta në komunikacion, thotë edhe Besim Gashi, qytetar nga Prishtina.
Ai shprehet se kushtet ekonomike i detyrojnë qytetarët që të blejnë më tepër vetura të përdorura.
“Dëshira ime është që të vozis veturë të re. Por, pavarësisht ndotjes së ambientit, unë vozis veturë të përdorur, pasi që vetura është domosdoshmëri”, thotë ai.
Për veturat e reja që importohen nga shtetet e Bashkimit Evropian, që nga zbatimi i Marrëveshjes për Stabilizim Asociim, në vitin 2016, nuk paguhen taksa doganore.
Kurse për veturat e përdorura, taksa doganore paguhet 9 për qind nga 10 për qind sa ka qenë më herët.
Të dhënat zyrtare tregojnë se në Kosovë qarkullojnë mbi 315 mijë vetura të regjistruara, ku mesatarja e vjetërsisë së tyre që qarkullojnë në Kosovë është 18 vjet. /Rel/Telegrafi/
Lufta Prigozhin - Putin
Më shumëAfër detit, afër mbretit - Mbreti i "Holiday In 2" po t'fton në fron
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Kritikat për kontratat njëburimore, Aliu: Është vetëm një, nuk e kam problem hetimin
S’ka kuorum, dështon themelimi i Komisionit hetimor për kontratat njëburimore
Abonohu në Shqip.ai - Zbulo pakot e reja të çmimeve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes