Vedat Muriqi rikthehet nga lëndimi, asistimi i tij ia siguron një pikë Fenerbahces

Sulmuesi i Përfaqësueses së Kosovës, Vedat Muriqi është rikthyer nga lëndimi pas rreth një muaji jashtë fushave.  

Muriqi ishte mungesa e madhe e Kosovës në dy ndeshjet e fundit eliminatore për Euro 2020, ku Dardanët u mposhtë 2-1 nga Çekia dhe 4-0 nga Anglia.

Megjithatë, sulmuesi prizrenas pas rreth një muaji është rikthyer nga lëndimi që pësoi me klubin turk, Fenerbahce.

25-vjeçari u rikthye në fushat e blerta gjatë barazimit 2-2 të Fenerbahces në udhëtim të Goztepe.

Rikthimi i Muriqit erdhi në minutën e 64-të pasi zëvendësoi mbrojtësin Mathias Jorgensen.

63'
Zanka'nın yerine Muriqi oyunda. pic.twitter.com/S3au3pGJrI

— Fenerbahçe SK (@Fenerbahce) November 30, 2019

Me tu rikthyer nga lëndimi, ylli i Kosovës u tregua vendimtar pasi vetëm pas katër minutave asistoi me kokë tek goli i barazimit 2-2 i shënuar nga Garry Rodrigues.

Ky ishte asistimi i dytë këtë sezon për Muriqin, ndërsa ka të shënuara plot shtatë gola në Superligën e Turqisë deri tani këtë sezon. /Telegrafi/

https://twitter.com/fenerarsivi/status/1200857363454087169