Vdesin edhe dy pacientë në Spitalin e Pejës, njëri i konfirmuar me COVID-19 ndërkaq tjetri i dyshimtë

Dy pacientë kanë humbur jetën gjatë 24 orëve të fundit të Spitalin e Pejës. Sipas njoftimit nga ky spital, pacientja e parë e moshës 78 vjeçare ka qenë e konfirmuar me COVID-19, kurse pacienti i dytë 71 vjeçar ka qenë si i dyshuar dhe se i njëjti ende pa kryer testin e COVID-19 ka ndërruar jetë.

“Fatkeqësisht gjatë 24 orëve të fundit kemi pasur dy raste të vdekjeve. Një paciente 78 vjeçare e konfirmuar pozitiv me test të Covidit -19 ka vdekur, si dhe një pacient i moshës 71 vjeçar i dyshuar por ende pa kryer testin poashtu ka vdekur”, thuhet në njoftim.

Ndryshe në këtë spital aktualisht po trajtohen 77 pacientë me COVID-19, ku 7 prej tyre janë në gjendje më të rëndë.

Njoftimi i plotë:

Në Spitalin e Përgjithshëm në Pejë aktualisht po trajtohen 77 pacientë me Covid-19. 32 pacientë janë në Oksigjeno terapi, 7 pacientë janë në gjendje më të rëndë, ndërsa pacientet e tjerë janë në gjendje më stabile.
Fatkeqësisht gjatë 24 orëve të fundit kemi pasur dy raste të vdekjeve. Një paciente 78 vjeçare e konfirmuar pozitiv me test të Covidit -19 ka vdekur, si dhe një pacient i moshës 71 vjeçar i dyshuar por ende pa kryer testin poashtu ka vdekur.
Gjatë vikendit të fundit në Spitalin e Përgjithshëm në Pejë, 583 pacientë kanë marrë trajtim emergjent shëndetësorë.
Nga këta 61 pacientë janë shtrirë për trajtim të mëtutjeshëm. Gjatë vikendit kanë qenë 11 lindje, 5 normale dhe 6 me prerje cezariane. Kanë lindur 11 foshnje 4 të gjinisë mashkullore dhe 7 të gjinisë femërore..
Gjatë vikendit të fundit në Spitalin e Përgjithshëm në Pejë janë kryer 12 operacione, ndërsa 452 pacientë kanë kryer analiza, që në total kanë bërë 4,505 analiza. /Telegrafi/