Një rast tragjik ka ndodhur sot në Altamura të Italisë pasi një shqiptar 28 vjeç, ka vdekur në vendin e punës.

Mediat italiane, mësojnë se personi i vdekur është Kreshnik Gockaj.

Gockaj fillimisht ishte rrëzuar dhe më pas është shtypur nga një makinë që thyen gurët.

Sipas baritoday, shqiptari punonte në kompani që prodhonte paleta betoni.

Pavarësisht mbërritjes së ambulancës, 28-vjeçari nuk ka arritur dot t’u shpëtojë plagëve të marra dhe ka ndërruar jetë.

Autoritetet përkatëse italiane janë duke e hetuar rastin, njofton Telegrafi.