Komuna e Shtimes ka njoftuar se një kosovar ka vdekur në Zvicër si pasojë e coronavirusit.

Në njoftim thuhet se personi është nga fshati Petrovë.

“Dje kemi kuptuar se një bashkëvendës nga fshati Petrovë me banim në Zvicër ka ndërruar jetë si pasojë e sëmundjes COVID-19 me këtë rast i shprehim ngushëllimet më të sinqerta”, thuhet në njoftim, transmeton Telegrafi.

Komuna e Shtimes po ashtu ka njoftuar edhe një banor i fshatit Pjetërshticë ka rezultuar pozitiv me COVID-19.

“Mbrëmë në orët e vona nëpërmjet Institutit Kombëtar të Shëndetësisë Publike kemi marrur informatën së një banor nga fshati Pjetërshticë ka rezultuar pozitiv me COVID-19.  Andaj Shtabi Emergjent Lokal në bashkëpunim me të gjitha institucionet tjera kanë marr të gjitha masat sipas udhëzimeve të përcaktuara nga vendimet e mëparshme të Shtabit Emergjent për mbrojtje nga COVID-19. Pacientit i urojmë shërim si dhe familjes nga Pjetërshtica do t’i jemi afër për çfarëdo nevoje”, thuhet në njoftim.

Komuna e Shtimes u ka bërë thirrje qytetarëve që të qëndrojnë në shtëpitë e tyre./Telegrafi/

NJOFTIM Shtime, 17 prill 2020 – Mbrëmë në orët e vona nëpërmjet Institutit Kombëtar të Shëndetësisë Publike kemi…

Publiée par Komuna Shtime sur Vendredi 17 avril 2020