Aktori Bernard Hill, i njohur më së shumti për rolet në "Titanic" dhe "Lord of the Rings", ka vdekur në moshën 79-vjeçare.
Ai luajti kapitenin Edward Smith në filmin fitues të 'Oscar' të vitit 1997 dhe mbretin Theoden në "Lord of the Rings".
Roli i tij kryesor ishte në dramën televizive të BBC-së të vitit 1982, "Boys from the Blackstuff".
Bernard Hill
Në këtë seri, ai portretizoi Yosser Hughes, një personazh që luftoi - dhe shpesh dështoi - për të përballuar papunësinë në Liverpool.
Artisti i famshëm vdiq herët të dielën në mëngjes, konfirmoi agjenti i tij, Lou Coulson.
Bernard Hill
Me të, në ato momente ishte gruaja e tij, Marianne Hill dhe djali i tyre, Gabriel.
Hill, i cili ishte nga Mançesteri dhe jetonte në Suffolk, do të kthehej në ekranet televizive në serinë e dytë të "The Responder", një dramë e BBC me aktorin Martin Freeman, e cila fillon të transmetohet të dielën.
Bernard Hill
Role të tjera në karrierën e tij prej dekadash përfshinin serinë televizive të BBC-së të vitit 1976, I, "Claudius", një paraqitje në "Gandhi" të vitit 1982, "Shirley Valentine" në 1989 dhe filmin e Tom Cruise. "Valkyrie". /Telegrafi/
