Shifrat zyrtare mbi arsimin e lartë referuar Institutit të Statistikave INSTAT në Shqipëri tregojnë se universitet po boshatisen nga viti në vit.
Në vitin akademik 2022-2023 u regjistruan gjithsej në arsimin e lartë 121,352 studentë në të gjitha programet e studimit.
Krahasuar me vitin 2021 ky tregues ka shënuar një rënie me rreth 2 për qind. Edhe pse akoma nuk ka shifra zyrtare mbi vitin e ri akademik 2023-2024, sipas njoftimit nga Ministria e Arsimi këtë vit janë ulur në auditore për herë të parë rreth 20 mijë studentë.
Megjithatë le të analizojmë tendencën e regjistrimeve ndër vite për të patur një panoramë sa më të qartë.
Referuar të dhënave të INSTAT që nga viti 2016-të, viti i fundit për të cilin disponohen shifra, deri në vitin 2022, tendenca paraqitet rënëse dhe nisur nga ritmi mund të themi se rënia ka qenë progresive. Rreth 96 mijë studentë të programit bachelor regjistroheshin në vitin 2016-të, ndërkohë që në vitin 2022 ky tregues ishte rreth 71 mijë.
Por si paraqiten të dhënat për universitetet private? Sipas të dhënave vërehet një rritje e numrit të regjistrimeve në arsimin e lartë privat që nga viti akademik 2016-2017. Në arsimin e lartë privat janë regjistruar vitin e kaluar 15,793 studentë nga 15,388 studentë në vitin 2021. Ndërkohë, kjo shifër për vitin 2016 regjistrohej në rreth 14 mijë studentë.
Biznesi, administrimi dhe ligji vijojnë të jenë të preferuarat e studentëve pasi kanë patur edhe numrin më të lartë të regjistrimeve në vitin akademik që lamë pas me 30,713 studentë.
Inxhinieria dhe shëndetësia po ashtu duket se vazhdojnë të tërheqin studentë, pasuar nga degët të cilat lidhen me teknologjinë e informacionit. Nga ana tjetër, degët më pak të prefruara dhe që kanë numrin më të ulët të regjistrimeve janë bujqësia dhe shkencat ekzakte, ku këto të fundit kanë prekur minimumin e regjistrimeve për vitin e ri akademik 2023-2024.
‘Scan Intel’ ka analizuar gjithshtu të dhënat sa i përket studentëve të regjistruar për çdo fakultet në arsimin publik. Universiteti i Tiranës dhe Universiteti “Aleksandër Moisiu” Durrës kanë shënuar numrin më të lartë të regjistrimeve për vitin që lamë pas, pasuar nga Universiteti Politeknik i Tiranës. Alarmante paraqiten shifrat sa i përket Universitetit “Eqrem Çabej” në Gjirokastër, i cili vitin e kaluar ka regjistruar gjithsej vetëm 609-të regjistrime.
Kjo mund të jetë e ndikuar edhe nga faktorët demografikë. Le të rikujtojmë shifrat e INSTAT të cilat flasin për një plakje të popullsisë në këtë qark dhe gjithashtu për një rënie drastike të numrit të lindjeve. Por jo vetëm në këtë qark ka ndikuar ky faktor. Emigrimi dhe faktorët demografikë padyshim kanë ndikuar ndikuar në rënien e numrit të regjistrimeve.
Le të përmendim se kjo rënie e numrit të regjistrimeve do të shoqërohet me rënie të pagesave të tarifave, gjë që patjetër do të reflektohet edhe në rënien e të ardhurave të universiteteve të cilat mbulojnë pagesat e stafit. /Telegrafi/
Promo
Reklamo këtuLufta Prigozhin - Putin
Më shumë“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe