Vanessa Bryant reagon për herë të parë pas vdekjes së Kobe dhe vajzës së saj, vendos foton e tyre në profilin e Instagramit dhe e bën publike llogarinë

Gruaja e Kobe Bryant ka publikuar një fotografi marramendëse të burrit dhe vajzës së saj të ndjerë, Gianna, si imazhin e profilit të saj në Instagram pasi ata u ndanë nga jeta nga një përplasje me helikopter pak ditë më parë.

Gruaja e ish-superyllit të NBA, Vanessa Bryant, nuk ka folur që prej kohës kur Kobe dhe vajza e tyre 13-vjeçare vdiqën tragjikisht të dielën kur helikopteri i tij u rrëzua në Kaliforni, shkruan DailyMail.

Vanessa pranoi publikisht vdekjen e tyre e tronditur të mërkurën kur ajo ndryshoi fotografinë e profilit të saj në Instagram, duke vendosur atë të Kobe dhe Giannas , ku shihen duke u përqafuar dhe duke buzëqeshur me njëri-tjetrin.

Fotografia është realizuar gjatë një ndeshje të NBA-së në Toronto në vitin 2016, e cila ishte ndër paraqitjet e tyre të fundit.

Lexo po ashtu Prindër, vajza, trajnerë: Biografi e shkurtër e nëntë viktimave të aksidentit tragjik me helikopterin e Kobe Bryant

Vanessa gjithashtu ndërroi llogarinë e saj në Instagram nga private duke e bërë atë publike të mërkurën.

Nuk është e qartë nëse ajo e bëri private llogarinë e saj, cila ka më shumë se një milion ndjekës, para ose pas rrëzimit të helikopterit.

Burimet kanë thënë se Vanessa është përpjekur të qëndrojë e fortë për tre vajzat e tyre të mbijetuara, por është e shkatërruar dhe mezi mund ta mbahet nga tragjedia.

Lexo po ashtu Vanessa Bryant po përpiqet të 'jetë e fortë' për vajzat e saj pas vdekjes së bashkëshortit Kobe dhe Gianna

“Ajo nuk mund të përfundojë një fjali pa qarë. Por ajo është duke punuar shumë për ta tejkaluar atë situatë së bashku për vajzat e tjera. Tani ajo duhet të jetë e fortë”, tha një burim për Revistën People.

Bryant u takua me Vanessën në vitin 1999 kur ajo ishte 17 vjeçe dhe po punonte si një modele në sfond në një video muzikore.

Ata u fejuan gjashtë muaj më vonë dhe u martuan në vitin 2001.

Çifti kanë katër fëmijë së bashku: Gianna, 13 vjeçe, e cila ndërroi jetë së bashku me babanë e saj, Natalia, 17 vjeçe, Bianka tre vjeçare dhe Capri shtatë-muajshe.

Kobe shpesh publikonte në rrjetet sociale fotografi të përzemërta dhe dedikime për familjen e tij.

Kobe, Gianna dhe shtatë të tjerë vdiqën të dielën kur helikopteri i tyre pësoi një përplasje të zjarrtë në Kaliforninë Jugore gjatë rrugës për në lojën e basketbollit të 13-vjeçares.

Hetuesit dhe ekspertët kanë thënë që helikopteri nuk kishte një sistem paralajmërimi të gjatë për të paralajmëruar pilotin se ai ishte shumë afër tokës.

Nuk është e qartë nëse ai sistem do të kishte shmangur rrëzimin tragjik. /Telegrafi/