Valdano: Rikthimi i Zidanet te Reali ishte akt heroizmi, e meriton një statujë në Bernabeu

Jorge Valdano, i cili ka luajtur rol të shumëfishtë te Real Madridi, është i bindur se vendimi i Zinedine Zidane për t’u kthyer si trajner nuk ka ndikuar në imazhin apo trashëgiminë e tij, pavarësisht rezultateve zhgënjyese të Los Blancos nën urdhrat e tij.

Francezi u bë trajneri i tretë i Los Blancos në sezonin 2018/19, kur ai zëvendësoi Santiago Solarin, ku mori pesë fitore, dy barazime dhe katër humbje nga 11 ndeshje.

Sidoqoftë, Valdano e sheh si një dritë të madhe për të marrë përgjegjësinë e kthimit të gjërave në vend, duke e cilësuar rikthimin e tij si akt heroizmi.

Lexo po ashtu Këta janë 11 trajnerët më të paguar në futbollin evropian

“Imazhi i të gjithëve [në Madrid ] është dobësuar”, ka thënë fillimisht Valdano në Shoqatën Ndërkombëtare të Gazetarëve Sportivë në Spanjë (ISMAS).

“Por, nga këndvështrimi im, kthimi në klub ishte pothuajse një akt heroizmi nga Zidane”.

“Ai meriton një statujë këtu në cep të Santiago Bernabeut, ku ata do të prishin qendrën tregtare dhe një tjetër në kopshtin e Florentino Perezit”, përfundoi spanjolli. /Telegrafi/