Vaksina Johnson&Johnson zgjat të paktën tetë muaj, mbron edhe prej variantit Delta

Vaksina kundër coronavirusit “Johnson&Johnson” siguron imunitet që zgjat të paktën tetë muaj dhe duket se siguron mbrojtje të përshtatshme kundër variantit shqetësues Delta, tha kompania në një deklaratë të enjten mbrëma.

“Të dhënat aktuale për tetë muajt e studiuar deri më tani tregojnë se vaksina Johnson&Johnson me një dozë gjeneron një përgjigje të fortë antitrupash neutralizues që nuk zbehen; përkundrazi, ne vëzhgojmë një përmirësim me kalimin e kohës”, pohoi Dr. Mathai Mammen, kreu i kërkimit dhe zhvillimit në Janssen të J&J.

Kompania tha se një dozë e vaksinës shkakton përgjigje të qëndrueshme të antitrupave dhe gjeneron qeliza imune të quajtura T-qeliza që zgjasin edhe tetë muaj, raporton cnn.

Dr. Dan Barouch i Qendrës Mjekësore Bac Israel Deaconess dhe Shkolla Mjekësore e Harvardit dhe kolegët e tij testuan gjakun e marrë nga 20 vullnetarë në një fazë të hershme, Faza 1/2 e provës së vaksinës.

Pfizer/BioNTech dhe Moderna kanë thënë të dy vaksinat e tyre me dy doza janë mbrojtëse për të paktën gjashtë muaj dhe studiuesit në Universitetin e Uashingtonit në St. Louis raportuan në fillim të kësaj jave se studimet e tyre për vullnetarë të vaksinuar tregojnë se mbrojtja duhet të zgjasë shumë më shumë se kaq.

Sidoqoftë, J&J, së bashku me Institutin Kombëtar të Shëndetit të SHBA-së, po teston nëse dhënia e dy dozave të vaksinës do të sigurojë një mbrojtje më të mirë. /Telegrafi/