Vajza e të akuzuarës për shitjen e drogës, tregon shuma të parave në rrjetin social (Foto)

Derisa nëna e saj po hetohet nga gjykata në Glasgow të Skocisë se ka shitur drogë, vajza e saj po tregon paratë dhe të mirat materiale në llogaritë në rrjete sociale.

Jodie Gilmour ka shfaqur shumë para që kishte në dorë, si dhe veturën Audi që kushton afro 50 mijë euro, transmeton Telegrafi.

Madje, 22-vjeçarja ka treguar edhe disa atlete, si dhe intervenimin për zbardhimin e dhëmbëve që kushton afro dhjetë mijë euro.

Mësohet se ajo shpenzon mijëra euro në makina ruleti, si dhe lojëra të ndryshme në kazino.

Tërë këto po ndodhin derisa nëna saj Shirley Gilmour po akuzohet për posedim dhe shitje të tabletave të rrejshme të Valiumit, tek të varurit që kanë gjendje të rëndë.

Madje, Gilmour dyshohet se i ka furnizuar me ‘tabletat e kaltra’ tri 12-vjeçare, të cilat vdiqën pak kohë më parë shkaku i mbidozës.

Shfaqja e parave dhe të mirave të ndryshme nga ana e vajzës së saj, vetëm sa po risin dyshimet se ajo vërtetë ka shpërndarë drogën e rrejshme dhe shumë të rrezikshme. /Telegrafi/