Vajza e supermodeles së famshme në hapat e së ëmës, njihuni me yllin e ardhshëm të pasarelave

Supermodelja Heidi Klum thotë se vajza e saj 16-vjeçare, Leni, po mendon të ndjekë hapat e saj në modë

“Ajo vjen (në sheshxhirim), shikon dhe mëson jo vetëm atë që bëj unë, por edhe atë që të gjithë njerëzit e ndryshëm bëjnë në një televizion. Unë mendoj se është shumë interesante për të”, -tha Klum në “People (the TV Show!).”

“Kur je në atë moshë, ende përpiqesh të kuptosh kush je, çfarë dëshiron të jesh dhe shikon për herë të parë se cilat janë të gjitha këto punë të ndryshme që bëjnë një shfaqje televizive. Ajo dëshiron të bëjë atë që bëj unë. Ajo është mjaftueshëm e rritur tani. Edhe pse për mua ka qenë gjithmonë shumë e vogël… Gjithmonë kemi vendosur që t’i mbajmë fëmijët larg vëmendjes së publikut. Por ajo drejton makinën tani, është 16 vjeçe, kështu që mendova nëse mund ta bëjë atë, gjithashtu mund të modelojë tani nëse kjo është ajo që dëshiron të bëjë”.

Leni, emri i vërtetë i së cilës është Helene Samuel, mundohet të ruajë privatësinë e saj dhe në rrjetet sociale nuk e ka postuar kurrë fytyrën e plotë. Megjithatë, ka shumë foto të saj të kapura nga paparacët. Ajo ka qenë gjithmonë në vëmendje të mediave, kjo për shkak të nënës së saj shumë të famshme, por edhe çështjes së diskutuar shumë në media, atësisë së saj.

View this post on Instagram

A post shared by Heidi Klum (@heidiklum)

Heidi ka tre fëmijë me ish-burrin, këngëtarin Seal – i cili e rriti Lenin si fëmijën e tij. Ndërsa babai biologjik i Lenit është biznesmeni italian Flavio Briatore. Heidi dhe Flavio filluan të dilnin në fillim të vitit 2003 dhe atë dhjetor, ajo njoftoi se ishte shtatzënë. Por çifti u nda para se të lindte vajza e tyre, mendohet për shkak se Flavio e kishte tradhtuar modelen.

Heidi filloi të dilte me Seal ndërsa ishte shtatzënë. Sipas Klum, Briatore nuk ka qenë i përfshirë në jetën e Lenit; ajo ka deklaruar prerazi se “Seal është babai i Lenit”. Në vitin 2009, Briatore lejoi Seal të birësonte vajzën e tij dhe të ndryshonte emrin e saj në Helene Samuel.

Heidi dhe Seal u martuan në vitin 2005, patën tre fëmijë së bashku dhe u ndanë në vitin 2012.