Vajza e ‘The Rock’ nënshkruan kontratë profesionale me WWE

Simone Johnson, vajza e Dwayne “The Rock” Johnson, e ka nënshkruar kontratën e parë profesionale me WWE duke u bërë sportistja e parë e gjeneratës së katërt të kompanisë.

Në një njoftim të publikuar nga WWE thuhet se 18-vjeçarja i ka nisur stërvitjet më ‘WWE Performance Center’ në Orlando të Floridës që shënon hapin e parë në rrugëtimin e saj për t’u bërë WWE Superstar.

Babai i Simone, “The Rock”, ka qenë 10 herë kampion në këtë organizatë, derisa gjyshi i saj, Rocky Johnson dhe stërgjyshi “High Chief” Peter Maivia, janë pjesë e “WWE Hall of Famers”.

https://www.instagram.com/p/B8aoL6ClqDk/?utm_source=ig_embed

“Ëndrrat nuk janë vetëm për ëndërrimtarët. Urime fëmijës tim të parë, Simone Johnson, që e ka nënshkruar kontratën zyrtare me WWE dhe për rrugëtimin e saj që të bëhet sportistja e parë e gjeneratës së katërt në WWE”.

“Mbaje me krenari emrin e familjes sonë, por rruga jote do të jetë gjithmonë e jotja që ta ndërtosh, meritosh dhe ta posedosh. Shumë krenar. Jetoje ëndrrën. Vazhdojmë punën”, ka shkruar ‘The Rock’ në Instagram.

“Ka rëndësi shumë të madhe për mua. Duke qenë se familja ime ka një lidhje kaq personale me këtë sport, kjo është shumë e veçantë për mua dhe jam falënderuese që më është dhënë mundësia, jo vetëm për t’u ndeshur, por edhe për ta vazhduar trashëgiminë”, ka thënë ajo.

“Për vajzën e vogël që ra në dashuri me mundjen dhe ishte e përkushtuar që ta bënte këtë ëndërr realitet – kjo është për ty”, ka shkruar më pas Simone në Twitter. /Telegrafi/

For the little girl who fell in love with wrestling & was determined to make this dream a reality – this is for you. I’m beyond thankful for this opportunity & ready to get after it.

Let’s do this. @WWE @WWENXT pic.twitter.com/5lSKbWnHf7

— A V A (@avawwe_) February 10, 2020