Ushtrimet fizike i sjellin shumë përfitime trupit – por si ndikojnë në mendje?

Shpeshherë bëjmë ushtrime fizike për ta përmirësuar formën fizike apo për të humbur peshë, por ushtrimet fizike sjellin shumë përfitime edhe në mendjet tona.

Duke marrë parasysh se numri i njerëzve që kanë probleme me shëndet mendor është rritur, tani, si asnjëherë më parë, është shumë e nevojshme që të kujdesemi për mirëqenien mendore, transmeton Telegrafi.

Ushtrimet fizike janë të mahnitshme për ta rritur disponimin dhe për ta larguar mendjen nga gjërat e këqija. Në fakt, disa doktorë ua përshkruajnë pacientëve ushtrimet fizike si pjesë e trajtimit të depresionit.

Sidoqoftë, si ndikojnë saktësisht ushtrimet fizike në shëndetin mendor?

Ushtrimet fizike lirojnë endorfine
Është fakt i njohur mirë se ushtrimet fizike lirojnë kimikale të quajtura endorfine. Këto kimikale e rrisin disponimin dhe ju bëjnë të ndiheni mirë.

E lehtësojnë stresin dhe tensionin
Ushtrimet fizike mund të jenë në veçanti të mira për ta larguar stresin dhe tensionin që ndërlidhet me ankthin.

E përmirësojnë përqendrimin dhe e rrisin motivimin
Ushtrimet e rregullta fizike e rrisin lirimin e kimikaleve si dopamina dhe serotonina, të cilat e përmirësojnë përqendrimin dhe e rrisin motivimin.

Ushtrimet fizike e rrisin vetëbesimin
Përmirësimet në trup dhe në formë të trupit normalisht se ju ndihmojnë të keni më shumë vetëbesim.

E përmirësojnë kualitetin e gjumit
Ne jetojmë në një botë ku rregullisht ankohemi se jemi të lodhur. Megjithatë, një stërvitje e mirë do t’ju bëjë më të lodhur fizikisht, e që pastaj ju ndihmon të flini më mirë dhe të pushoni më shumë. /Telegrafi/