Ushtria izraelite ka pretenduar se ka vrarë shefin e shtabit të Iranit gjatë kohës së luftës pas një "mundësie të papritur".
Nëse konfirmohet, kjo do të shënonte vrasjen e fundit në një seri vrasjesh midis figurave të larta ushtarake të Iranit, përcjell Telegrafi.
"Pas një mundësie të papritur gjatë natës, aeroplanët luftarakë të Forcave Ajrore sulmuan një seli të personelit në zemër të Teheranit", ka thënë ushtria izraelite.
"Dhe, falë inteligjencës së saktë të marrë, [ata] vranë Ali Shadmani-n, shefin e shtabit të luftës, komandantin më të lartë ushtarak dhe njeriun më të afërt me udhëheqësin iranian Ali Khamenei".
Ndërkohë, Izraeli ka thënë se kreu 'sulme të gjera' mbi Iranin perëndimor.
Forca ajrore përfundoi "disa sulme të gjera" mbi objektiva ushtarake në perëndim të vendit, sipas IDF.
"Gjatë sulmeve, u goditën dhjetëra infrastrukturë për ruajtjen dhe lëshimin e raketave tokë-tokë".
"Përveç kësaj, u goditën lëshues raketash tokë-ajër dhe vende për ruajtjen e UAV-ve [dronëve] në Iranin perëndimor". /Telegrafi/
