Ushtria izraelite po vendoset në kufirin me Sirinë, përforcimet po arrijnë në Golan

Izraeli ushtria ka njoftuar se po forcon trupat në kufirin izraelit me Sirinë, mes përshkallëzimit të luftës civile në këtë vend pas viteve të armëpushimit.

Ky hap vjen pas vlerësimeve të reja që u zhvilluan një ditë më parë nga Shefi i Shtabit të Përgjithshëm të Forcave të Mbrojtjes së Izraelit (IDF), gjenerallejtënant Herzi Halevi, dhe komandanti i Komandës Veriore, gjeneralmajor Ori Gordin.

IDF-ja ka deklaruar se po dërgon forca shtesë tokësore dhe ajrore në Lartësitë e Golanit, duke marrë parasysh zhvillimet në Siri. Është për t’u përmendur se Izraeli e ka nën okupim këtë zonë.

Trupat e vendosura në kufi në Lartësitë e Golanit janë në gatishmëri për skenarë të ndryshëm, sipas deklaratës së ushtrisë.

Në një video të publikuar nga IDF, shihen trupa duke përforcuar barrierat përgjatë kufirit me Sirinë, shkruan aa.

“IDF po ndjek nga afër zhvillimet dhe është gati për çdo skenar, qoftë në sulm apo në mbrojtje”, tha ushtria, duke shtuar se “nuk do të lejojë kërcënime afër kufirit izraelit dhe do të punojë për të parandaluar çdo rrezik për qytetarët e shtetit të Izraelit”. /Telegrafi/