Unitedi konsideron shitjen e Pogbas këtë verë pasi rrezikon ta humb falas, PSG po diskuton kushtet personale me lojtarin

Manchester Unitedi është nën presion për të shitur Paul Pogba në gjashtë javët e ardhshme mes interesit të fortë për francezin nga Paris Saint-Germain.

Agjenti i Pogbas, Mino Raiola thuhet se po diskuton kushtet personale me PSG-në, të cilët besojnë se ata mund të nënshkruajnë mesfushorin 28-vjeçar për më pak se gjysma e 89 milionë funteve që Unitedi i pagoi Juventusit në vitin 2016.

Pogba ka një vit të mbetur në kontratën e tij prej 290 mijë funtesh në javë dhe nuk ka dhënë asnjë tregues se ai është i interesuar të nënshkruajë një kontratë të re.

Lexo po ashtu Zbulohen pagat e Manchester Unitedit pas transferimit të Sanchos - De Gea më i paguari, Bruno Fernandes i teti

Kjo do të thotë se ai do të jetë në gjendje të largohet nga Old Trafford si një lojtar i lirë për herë të dytë verën e ardhshme.

Juventusi pagoi vetëm 800 mijë funte si kompensim kur nënshkroi Pogban në vitin 2012 dhe mori një tarifë rekord botëror nga Unitedi kur ai u zhvendos në drejtim të kundërt katër vjet më vonë.

PSG think they can persuade Manchester United to sell Paul Pogba for around £43m although it’s believed there has been no contact between the two clubs yet.

Pogba has given United no indication he wants to sign a new contract.

(Source: Daily Mail) pic.twitter.com/e2QW9pw2xX

— Transfer News Live (@DeadlineDayLive) July 20, 2021

United tani duhet të vendosë nëse do të rimarrë disa nga ato para duke shitur Pogban para mbylljes së afatit të transferimit të 31 gushtit ose ta mbajë lojtarin për një sezon tjetër dhe të rrezikojë ta humbasë atë falas.

PSG, një nga klubet e pakta në Evropë që mund të përballonte pagën e tij, mendon se ata mund ta bindin Unitedin të shesë atë për rreth 43 milionë funte apo 50 milionë euro, edhe pse besohet se nuk ka pasur ende kontakte mes dy klubeve.

Lexo po ashtu PSG nuk heq dorë nga transferimi i Pogbas

Ka të ngjarë të ketë interes edhe nga Spanja dhe Italia për Pogban, i cili ka flirtuar vazhdimisht me Real Madridin dhe ish-klubin e tij Juventusin.

Ai do të kthehet për trajnim para-sezonal javën e ardhshme pas Euro 2020 dhe një pushimi familjar në Florida. /Telegrafi/