United braktisë pistën Griezmann, koncentrohet në tri alternativa tjera (Foto)

Manchester United e ka braktisur pistë Antoine Griezmann dhe është duke analizuar tre sulmues të tjerë. 

Flitej prej gjashtë muajsh se Djajtë e Kuq janë gati ta paguajnë edhe klauzolën e sulmuesit të Atletico Madridit, që është 85 milionë funte.

Pas lëndimit të Zlatan Ibrahimovic klubi ka nevojë për një sulmues klasi, pasi suedezi nuk kthehet deri në janar.

Sipas Telegraph, United është duke analizuar tre lojtarë.

Andrea Belotti i Torinos është në krye të listës. Italiani vjen pas një sezoni të madh ku shënoi 25 gola në Serie A.

Pas tij vije Romelu Lukaku i Evetonit. Sulmuesi belg po ashtu ka pasur një sezon të jashtëzakonshëm personal.

I fundit në lisë është Alvaro Morata që po kërkon largimin nga Real Madridi.

Mourinho nuk dëshiron të flas për përforcime dhe sa herë pyetet, topin ia gjuan Ed Woodward.

‘Nuk e kam asnjë ide, duhet ta pyesni Ed Woodward”.

‘Ai e di që nga muaji mars se kë e dua unë, çfarë duan, dhe sa i dua. Ai e di që nga muaji mars”.

“Tani është koha që ai të punojë pasi do të ketë pushime në gusht, kur unë do të jem në punë”, ka thënë Mourinho. /Telegrafi/