“Unë do të jem gjithmonë tifoz i Barcelonës” – Messi ia jep një këshillë ish-klubit të tij për ta fituar Ligën e Kampionëve

Lionel Messi nuk e harron në asnjë moment Barcelonën, pasi dashuria ndaj klubit që u bë i famshëm është shumë e madhe.

Ylli argjentinas ka fituar Topin e Artë për herë të tetë në karrierën e tij, derisa ka folur në një moment edhe për Barcelonën.

Messi fillimisht tha se është një tifoz i Barcelonës dhe gjithmonë do t’i përkrah ata në garat ku marrin pjesë.

Lexo po ashtu Messi me një postim emocionues pasi fitoi Topin e Artë, ia dedikon tifozëve nga e gjithë bota që e përkrahën atë

“Po, unë jam një tifoz i Barcelonës. Është klubi që e dua dhe që do ta dua gjithë jetën”, tha Messi.

36-vjeçari i ka dhënë një këshillë Barcelonës për ta fituar Ligën e Kampionëve, pasi ai e di se katalunasit kanë potencial për ta bërë një gjë të tillë.

“Barcelona ka një skuadër të madhe. Ata janë në gjendje për të luftuar për Ligën e Kampionëve”, vazhdoi tutje Messi.

Lexo po ashtu Lionel Messi emëroi ‘trashëgimtarët’ e tij si fitues të ardhshëm të Topit të Artë

“Nuk kam dyshim se ata janë një kandidat për ta fituar ‘Championsin’, por ata nuk kanë nevojë të bëjnë presion mbi vetën e tyre për të qenë favoritë”, këshilloi Messi ish-klubin e tij Barcelonën për të arritur deri te triumfi në Ligën e Kampionëve.

Messi qëndroi për 21 vite te Barcelona, derisa nga viti 2005 deri më 2021 luajti për ekipin e parë ku në 778 ndeshje zyrtare realizoi 672 gola dhe bëri 303 asistime. /Telegrafi/