Machine Gun Kelly ka zbuluar një veçori të çuditshme të unazës së fejesës që ai ia dhuroi partneres së tij, Megan Fox.
“Lloji i unazës në fakt është me gjemba. Pra, nëse ajo përpiqet ta heqë, dhemb”, tha ai në një intervistë për Vogue. “Dashura është dhimbje”.
Deklaratat e tij u bënë publike një javë pasi Kelly, 31-vjeç, dhe Megan, 35-vjeçe, vulosën fejesën e tyre duke pirë gjakun e njëri-tjetrit.
Megan njoftoi lajmin e tyre të madh me një video në Instagram të realizuar në resortin Ritz Carlton Dorado Beach.
Kelly në anën tjetër tregoi se e ka projektuar unazën në bashkëpunim me Stephen Webster.
Krahas një videoje të unazës në gishtin e Megan, ai shkroi: “Unë e di se tradita është një unazë, por e projektova me Stephen Ëebster që të jetë dy: smeraldi (guri i saj i lindjes) dhe diamanti (guri im i lindjes) i vendosur në dy breza magnetikë gjembash që bashkohen si dy gjysma të të njëjtit shpirt duke formuar zemrën që është dashuria jonë”.
Në intervistën e tij të re në Vogue, tregoi se ‘një nga gurët e çmuar është një smerald kolumbian i pastër, pa trajtim. Sapo ishte gdhendur direkt nga miniera”.
“Dhe diamanti ishte direkt nga Stephen. Koncepti është që unaza mund të shkëputet për të bërë dy unaza”, tha më tej.
Machine Gun Kelly dhe Megan Fox (Foto: Instagram)
Megan ndryshe ka qenë në një lidhje të gjatë me Brian Austin Green, me të cilin u nda në vitin 2020. /Telegrafi/
