LAJMI I FUNDIT:

Uleni nivelin e tensionit të gjakut

Uleni nivelin e tensionit të gjakut
Female Doctor Checking Blood Pressure Of Woman

Hipertensioni (ose tensioni i lartë i gjakut) është gjendje me të cilën përballen miliona njerëz nëpër botë. Ky është shkaku kryesor i sëmundjeve të zemrës dhe sulmeve në tru.

Tensioni i lartë i gjakut është vetëm një nga simptomat e sëmundjeve të zemrës. Hulumtimet kanë treguar që ulja e tensionit të gjakut mund të ndihmojë në shmangien e komplikimeve serioze të sëmundjeve të zemrës. Tensioni i lartë i gjakut rrit rrezikun nga infarkti i zemrës dhe sulmi në tru, aneurizmi, rëniet kognitive dhe dështimin e veshkave.

Tensioni i lartë i gjakut mund të shkaktojë shumë probleme shëndetësore. Për fat të mirë, ekzistojnë mënyra të thjeshta me ndihmën e të cilave do ta kontrolloni dhe ulni nivelin e tensionit të gjakut, transmeton Telegrafi.

Shëtisni

Çdo mëngjes shkoni në shëtitje të shpejtë prej 15 minutash. Shëtitja është një nga llojet më të dobishme të ushtrimeve. Krejt çka ju nevojitet janë këpucët e përshtatshme dhe ajri i freskët. Nëse do ta keni më mirë, shëtisni në shoqëri sepse shkencëtarët kaun konstatuar që shoqëria jep motivim shtesë për ushtrime.

Lajm i shkëlqyeshëm është që nuk janë të nevojshme shumë ushtrime për ta ulur nivelin e tensionit t gjakut. Në hulumtimin e shkencëtarëve japonezë është dëshmuar që ushtrimet e rregullta vetëm pas 8 javësh tregojnë rezultate të dukshme.

Pini ilaçet

Nëse jeni harrestarë, ngjitjani vetes “përkujtuesit” në një vend të dukshëm të shtëpisë që çdo ditë të pini ilaç për uljen e nivelit të tensionit të gjakut. Madje 25 për qind e personave çdo ditë harrojnë të pinë ilaçin, gjë që mund të dëmtojë seriozisht shëndetin e tyre.

Kontrollojeni tensionin e gjakut

Investoni në një matës kualitativ të tensionit të gjakut për ta matur vetë çdo ditë tensionin. Kjo do t’u ofrojë një pasqyrë më të mirë në gjendjen e përgjithshme shëndetësore. Një hulumtim ka treguar që personat të cilët çdo ditë masin nivelin e tensionit të gjakut mesatarisht kanë shkallë më të ulët të tensionit të gjakut.

Konsumoni fibra

Shkencëtarët kanë dëshmuar që fibrat mund të ulin nivelin e tensionit të gjakut. Burim i shkëlqyer i fibrave janë drithërat e papërpunuara të cilat, përveç që ndikojnë në uljen e tensionit të gjakut, do të jenë të shkëlqyeshme edhe për shpejtimin e metabolizmit, rregullimin e nivelit të sheqerit në gjak, reduktimin e kolesterinës së keqe (LDL), mbrojtjen e sistemit kardiovaskular, dobësimin, reduktimin e rrezikut nga krijimi i diabetit dhe mbrojtjen e shëndetit të zemrës.

Reduktojeni konsumin e kafeinës

Zëvendësoni kafen me çaj, sepse kafja mund të rrisë nivelin e tensionit të gjakut. Hulumtimi i shkencëtarëve australianë ka treguar që secili filxhan i çajit në ditë redukton nivelin e tensionit sistolik të gjakut për 2 shkallë, ndërsa atij diastolik për l shkallë. Megjithatë, përparësitë krijohen pas filxhanit të katërt.

Hani avokado

Avokado është burim i pasur me acid e të pangopura yndyrore dhe kalium, të cilat ulin nivelin e tensionit të gjakut. Befason fakti që avokado përmban pak më shumë kalium se cilado pemë ose perime, duke përfshirë edhe bananet. Gjatë ditës duheni të konsumoni 4.7 gramë kalium, ndërsa hulumtimet tregojnë që njerëzit mesatarisht konsumojnë madje dyfish më shumë.

Hani çokollatë të zezë

Kur e ndjeni dëshirën për ëmbël, hani një katror të çokollatës së zezë e cila është burim i pasur i flavonoideve. Çokollata e zezë mbron shëndetin e sistemit kardiovaskular, ulë nivelin e kolesterinës dhe tensionit të gjakut. Çokollata e zezë është burim i shkëlqyeshëm i antioksidantëve që mbrojnë trupin nga radikalet e lira, reduktojnë rrezikun nga krijimi i qelizave kancerogjene dhe parandalojnë plakjen e parakohshme. /Telegrafi/

Në trend Shëndetësi

Më shumë
Tetë mënyra efektive për të ndaluar dhimbjen e dhëmbit në kushte shtëpie

Tetë mënyra efektive për të ndaluar dhimbjen e dhëmbit në kushte shtëpie

Shëndetësi
Kalo në kategori