Ukraina merr 1.13 miliard euro grant nga SHBA-ja

SHBA i dha Ukrainës një grant prej 1.13 miliard euro përmes Fondit të Mirëbesimit të Shumë-Donatorëve të Bankës Botërore, siç njoftoi sot Ministria e Financave.

Ky grant është pjesë e paketës së pestë në kuadër të programit të Shpenzimeve Publike të Qëndrueshmërisë së Kapacitetit Administrativ (PEACE), që synon të mbështesë shpenzimet sociale dhe humanitare të Ukrainës.

Financimi do të ndahet në fusha të ndryshme, duke përfshirë ndihmën sociale për personat e zhvendosur brenda vendit (PZHBV), personat me aftësi të kufizuara, familjet me të ardhura të ulëta dhe pagesa të tjera sociale, raporton skynews.

Lexo po ashtu Forcat ukrainase hedhin në erë rusët që fshiheshin në llogore

Ministria e Financave theksoi se vetëm në vitin 2023, Ukraina mori një total prej 7.66 miliardë euro në mbështetje të drejtpërdrejtë buxhetore nga SHBA-ja.

Që nga fillimi i luftës në shkallë të plotë, SHBA-ja ka dhënë një total prej 18.48 miliardë euro në fonde granti për Kievin, sipas njoftimit për shtyp të ministrisë.

Projekti PEACE në Ukrainë u themelua në qershor të vitit 2022 për të ndihmuar rreth 13 milionë përfitues, duke përfshirë 10 milionë pensionistë, 500 mijë punonjës të arsimit, 145 mijë punonjës të qeverisë, 56 mijë punonjës të urgjencës dhe mbi tre milionë përfitues të ndihmës sociale dhe PZHBV. /Telegrafi/