Ueb faqja e specializuar për talente e fut në mesin e më të mirëve për tu vëzhguar edhe Drilon Hazrollajn e Malishevës

Drilon Hazrollaj është një nga talentet më të mëdhenj në Superligën e Kosovës këtë vit, duke shkëlqyer me golat dhe asistimet e tij.

Ai ka gjashtë gola dhe tre asistime në këtë sezon, duke luajtur vetëm në 14 ndeshje.

Hazrollaj që është pjesë edhe e Kosovës U19 ka tërhequr vëmendjen edhe të faqes së specializuar për talente “footballtalentscout”.

Ai është futur në mesin e emrave si Ayman Kari, Mattia Mannini, Romualdas Jansonas, Dominik Prpic, Shea Lacey, Marin Kern Carlo Borges e të tjerë.

Analiza për të nga kjo faqe, tregon edhe aftësitë e lojtarit të talentuar dhe disa foto dhe video nga ndeshjet.

Padyshim që Hazrollaj e meriton këtë epitet, pasi që para tij është një karrierë e madhe. /Telegrafi/